އެއްލައްކަ ކަޕްގެ ނަމުގައި ދިއްދޫގައި ފުޓްބޯޅަ މުބާރާތެއް ފަށައިފި

ރައްޔިތުންގެ މަޖިލީހުގެ ހއ.ދިއްދޫ ދާއިރާގެ މަޖިލިސް މެމްބަރު އަބްދުއްލަތީފް މުހައްމަދު (ފުނަމާ ލަތީ) އާއި ދިއްދޫ އެލްއެލް ސްޕޯޓްސް ގުޅިގެން ކުރިއަށް ގެންދާ “އެއް ލައްކަ ކަޕް” ދިއްދޫގައި އިއްޔެ ފަށައިފި އެވެ.

ޖުމްލަ 8 ޓީމް ބައިވެރިވާ މި މުބާރާތް ކުރިއަށްދަނީ ދެ ގުރޫޕަކަށް ބަހާލައިގެންނެވެ. ގްރޫޕް އޭ ފަޅިން ހިމެނޭ ޓީމް ތަކަކީ ރިއަލްޓީ ޖޫނިއާ އާއި އެފްސީ ވާލު ހީވެސް ނުވޭ އަދި ބްލެކްޒީނޯ އެވެ. ގްރޫޕް ބީ ފަޅިން ވާދަކުރަނީ ހީވޭ ނާޑް ސްޕޯޓްސް އާއި ޓީނޭޖް ބޯއީ އަދި ރިއަލްޓީ ސްޕޯޓްސް ކުލަބެވެ.

ދިއްދޫގެ ރަސްމީ ބޯޅަ ދަނޑުގައި ކުރިއަށްދާ މި މުބާރާތަކީ ހއ އަތޮޅަށް ހުޅުވާލައިގެން ކުރިއަށް ގެންދާ މުބާރާތެކެވެ.

މުބާރާތުގައި ރެފްރީކަން ކުރާނީ ފީފާގެ ބެޖް ލިބިފައިވާ އެފްއޭއެމްގެ ރެފްރީންނެވެ.

މިއަދު މި މުބާރާތުގައި ކުޅުނު މެޗުން ބްލެކްޒީނޯ ޓީމުން ކާމިޔާބު ކުރީ އެފްސީ ވާލު ޓީމާ ވާދަކޮށް 4-1 ލަނޑުން ނެވެ.

މުބާރާތުގެ ޗެމްޕިއަން ޓީމަށް އެއް ލައްކަ ރުފިޔާ ދޭން ނިންމާފައިވާއިރު ރަނަރަޕް ޓީމަށާއި މުބާރާތުގެ މަގާމްތަކަށް ހޮވޭ ކުޅުންތެރިންނަށް ވެސް ފައިސާގެ އިނާމު ވަނީ ހުށަހަޅައިފައި ކަމަށް މެންބަރު ލަތީފް ވިދާޅުވެފައިވެ އެވެ