ހެވިޓް އާއި ކިންގްސްޓަން ފައިނަލަށް

ކުއަންޓަމް ވެޓަރަންސް ފުޓްސަލް ކަޕް 2014 ގެ ފައިނަލުން ހެވިޓް އަދި ކިންގްސްޓަން ޖާގަ ހޯދައިފި އެވެ.

ހެވިޓްއިން ފައިނަލް ދަތުރުކުރީ ރޭ ގުރޫޕް އޭގެ އެއްވަނަ ޓީމް ކަމަށްވާ އިންޓެލް ދެކޮޅަށް ކުޅުނު މެޗު 5-6 ކާމިޔާބު ކޮށްގެންނެވެ.

ސެމީ ފައިނަލްގެ މިމެޗްގެ މޮޅު ކުޅުންތެރިއަކަށް ހޮވިފައިވަނީ ހެވިޓްގެ ހަސަން އާދަމެވެ. އޭނާ ވަނީ މި މެޗްގައި 3 ލަނޑު ޖަހާދީފަ އެވެ. މީގެ އިތުރަށް މި މެޗްގައި ލަނޑުތައް ޖަހާދީފައިވަނީ ހެވިޓްގެ ސަމަދޭ އާއި ބަނާ އަދި ގުލްޒާރޭ އެވެ. މީގެއިތުރުން އިންޓެލްއަށް ލަނޑުތައް ކާމިޔާބުކޮށްދީފައި ވަނީ ސީޓޭ އާއި ދޮންބެ އަދި ބާންސްގެ އިތުރުން ހުސޭނެވެ.

ކިންގްސްޓަން ފައިނަލްއަށް ގޮސްފައިވަނީ ރޭ ކުޅެވުނު ސެމީ ފައިނަލްގެ ދެވަނަ މެޗުގައި ގުރޫޕް ބީގެ ދެވަނަ ޓީމްގެ ގޮތުގައި ސެމީއަށްދިޔަ އޭއެމްޑީއާ ވާދަކޮށް 3-7 ކާމިޔާބު ކޮށްގެންނެވެ. މި މެޗްގެ މޮޅު ކުޅުންތެރިއަކަށް ހޮވުނީ ކިންގްސްޓަންގެ ޖަލީލް އަލީ އެވެ. އޭނާ ވަނީ މި މެޗްގައި 4 ލަނޑު ޖަހާފަ އެވެ. ޖަލީލުގެ އިތުރަށް މި މެޗްގައި ކިންގްސްޓަނަށް ލަނޑުތައް ޖަހާދީފައިވަނީ އަލީ ޒިޔާދު (ބޮޑުސައި) އެވެ. އޭނާ ތިން ލަނޑު ޖަހާފައިވެ އެވެ.

މިރޭ 8:30 ގައި މި މުބާރާތުގެ ފައިނަލް މެޗްގައި ހެވިޓް އަދި ކިންގްސްޓަން ނިކުންނައިރު މެޗް އޮންނާނީ ކުޅުދުއްފުށީ ޒޯން ސްޓޭޑިއަމްގެ އެސްޓީއޯ ނޫފައި ފުޓްސަލް އެރީނާގަ އެވެ.