ކޭވައިއާރުސީ ބަލިކޮށް ގައުމީ ނެޓްބޯޅަ މުބާރާތުގެ ޗެމްޕިއަންކަން ފިއޮންޓީން ހޯދައިފި

ކޭވައިއާެރްސީ ބަލިކޮށް ޤައުމީ ނެޓްބޯޅަ މުބާރާތުގެ ޗެމްޕިއަންކަން ފިއޮންޓީން ހޯދައިފި އެވެ.

ވަރަށް ހަމަހަމަ ކުޅުމެއް ފެނިގެންދިޔަ ފައިނަލު މެޗު ފިއޮންޓީން ކާމިޔާބުކުރީ 45-44 ޕޮއިންޓުން ކޭވައާރްސީގެ މައްޗަށް ކުރިހޯދައިގެންނެވެ. ފޯރިގަދަ މި މެޗުގެ ފިއޮންޓީން މޮޅުވި ޕޮއިންޓް ކާމިޔާބުކުރީ ފަހު 10 ސިކުންތުތެރޭގަ އެވެ.

މެޗުގެ މޮޅު ކުޅުންތެރިޔަކަށް ހޮވިފައިވަނީ ކޭވައިއާރްސީގެ އައިމިނަތު ހަލީމް އެވެ.

މި މުބާރާތުގެ ފެއަރ ޕްލޭ ޓީމަކަށް ޓީރެކްސް ސްޕޯޓްސް އެކަޑަމީ ހޮވުނުއިރު މުބާރާތުގެ އެންމެ މޮޅު ހަތް ކުޅުންތެރިންނަށް ހޮވިފައިވަނީ ފިއޮންޓީގެ އައިމިނަތު ނަޒްރާ އާއި ހަމްނާ އަބްދުލް ރަހްމާން އާއި އީމާ އަބްދުލް ސައްތާރު އާއި ކޭވައިއާރްސީގެ ރާޝިދާ މޫސާ އާއި އައިމިނަތު ހަލީމް އާއި އައިމިނަތު ރަބާބް އިބްރާހީމްގެ އިތުރުން ޓީރެކްސްގެ އާއިޝަތު ފަޒީލާ އެވެ.