ކުޑަކުދިންނާއި ބޮޑެތި މީހުންނަށް ފަތަން ދަސްކޮށްދޭ ޕްރޮގްރާމެއް ފަށަނީ

ކުޑަކުދިންނާއި ބޮޑެތި މީހުންނަށް ހާއްސަކޮށް ފަތަން ދަސްކޮށްދޭ ޕްރޮގްރާމެއް ކުޅުދުއްފުށީގައި ފެށުމަށް ހަމަޖެހިއްޖެ އެވެ.

މޯލްޑިވްސް ސްވިމިން އެންޑް ލައިފް ސޭވިން ޓްރެއިނިން ސްކޫލްގެ ފަރާތުން މި ފެބްރުއަރީ މަހު 5 ގައި ކުރިއަށް ގެންދިއުމަށް ހަމަޖެހިފައިވާ މި ޕްރޮގްރާމުގައި 4 ކޯހެއް ކުރިއަށްގެންދިއުމަށް ވަނީ ހަމަޖެހިފައެވެ

އެގޮތުން ފަތަން ދަސްކޮށްދޭ ކޯހަކާއި، ސްވިމިން އެންޑް ވޯޓާރ ސްކިލްކޯހަކައި ވޯޓާ އެރޮބިކް ކޯހާއި ލައިފް ގާރޑް ކޯހެކެވެ. އެގޮތުން ފަތަން ދަސްކޮށްދޭ ކޯހަކީ ބޮޑެތި މީހުންނާއި ކުޑަކުދިންނަށް ބައިވެރިވެވޭގޮތަށް ހުުޅުވާލައިގެން ކުރިއަށް ގެންދާ ކޯހެއްކަމަށް އެސްކޫލުން މައުލޫމާތު ދެއެވެ. މި ކޯހުގައި ބައިވެރިވެވޭނީ 6 އަހަރުން މަތީގެ ކޮންމެ ފަރާތަކަށްވެސް ބައިވެރިވެވޭނެ އެވެ. ކޯހުގެ ފީ އަކީ 500 ރުފިޔާއެވެ.

އޭގެ އިތުރުން ސްވިމިން އެންޑް ވޯޓާރ ސްކިލްގެ ކޯހުގެ ފީއަކީ 3100 ރުފިޔާ ކަމަށާއި ލައިފްގާރޑް ކޯހުގެ ފީއަކީ 1700 ރުފިޔާ ކަމަށާއި ވޯޓަ އެރޮބިކް ކޯހުގެ ފީއަކީ 400 ރުފިޔާކަމަށް އެސްކޫލުން މައުލޫމާތު ދެއެވެ

މޯލްޑިވްސް ސްވިމިން އެންޑް ލައިފް ސޭވިން ޓްރެއިނިން ސްކޫލްގެ ފަރާތުން ކުރިއަށް ގެންދާމި ކޯސްތަކުގެ މުއްދަތަކީ 1 މަސްދުވަހެވެ.

މި ކޯސްތަކުގައި ބައިވެރިވުމަށް ބޭނުންވާ ފަރާތްތަކަށް ފޯމް ދޫކުުރުން 3 ފެބްރުއަރީ އާއި ހަމައަށް ކުޅުދުއްފުށީ ޒޯން ސްޑޭޓިއަމްގައި ހެނދުނު 10:00 ން މެންދުރު 12:00 އަށް އަދި މެންދުރުފަހު 14:00 ން ހަވީރު 17:00 އަށް ކުރިއަށްދާނެ އެެވެ.

އިތުރު މައުލޫމާތު ސާފުކުރެއްވުމަށް ބޭނުންވާ ފަރަތްތަކުން 7467576 ގުޅުވުމުން މައުލޫމާތު ސާފުވާނެ އެވެ.