ހިރަފުސް ފުޓްސަލް ޗެލެންޖު 2016 ގެ ގުރުއަތު ނަގައިފި

ކުޅުދުއްފުށީ ހިރަފުސް ދަނޑުން އިސްނަގައިގެން ކުރިއަށް ގެންދިއުމަށް ހަމަޖެހިފައިވާ ހިރަފުސް ފުޓްސަލް ޖެލެންޖު 2016 ގެ ގުރުއަތުލުން ބާއްވައިފިއެވެ.

19 ފެބްރުއަރީގައި ފެށުމަށް ހަމަޖެހިފައިވާ މި މުބާރާތުގެ ގުރުއަތުލުން ބާއްވާފައިވަނީ ރޭ ފުޑް ޕާކް ރެސްޓޯރެންޓްގައިއެވެ.

މުޅި ރާއްޖެއަށް ހުޅުވާލައިގެން ބައިވެރިވުމުގެ ފުރުސަތު ހުޅުވާލި މި މުބާރާތުގެ މުއްދަތު ހަމަވި އިރު ބައިވެރިވެފައިވަނީ ހަމައެކަނި ކުޅުދުއްފުށީގެ ޓީމްތަކުން އެކަންޏެވެ. އެގޮތުން ޖުމްލަ 21 ޓީމަކުން ބައިވެރިވެފައިވާއިރު މުބާރާތް ކުރިއަށް ގެންދިއުމަށް ހަމަޖެހިފައިވަނީ 4 ގުރޫޕަކަށް ބަހާލައިގެންނެެވެ.

މި މުބާރާތުގެ ފުރަތަމަ މެޗުގައި ވާދަކުރަން ހަމަޖެހިފައިވަނީ އެފްސީ އެލެކްޓިކްސް އަދި ބާނިން ޔުނައިޓެޑްއެވެ.

މީގެ ކުރިންވެސް ހިރަފުސް އިން އަންނަނީ ކޮންމެ އަހަރަކުވެސް ހިރަފުސް ކަޕްގެ ނަމުގައި މުބާރާތެއް ބާއްވަމުން ނެވެ.