ނެއްލައިދޫއާއި ވާދަކޮށް ކުޅުދުއްފުށީ ޓީމް މޮޅުވެއްޖެ

އެސްޓީއޯ މިނިވަން ޗެމްޕިއަންޝިޕްގައި ނެއްލައިދޫއާއި ވާދަކޮށް ކުޅުދުއްފުށީ ޓީމް 0-2 ކުން މޮޅުވެއްޖެ އެވެ.

މިމެޗްގައި ކުޅުދުއްފުށީ ޓީމުން ޖެހި ފުރަތަމަ ގޯލް ޖަހާފައިވަނީ 23 ވަނަ މިނެޓްގައި އެޓީމްގެ ނަދީމް އާދަމްއެވެ. އަދި ދެވަނަ ގޯލް ޖަހާފައިވަނީ 73 ވަނަ މިނެޓްގައި ފަރުހަތު މުހައްމަދެވެ.

ކުޅުދުއްފުށީ ޓީމުން މިހާތަނަށް ކުޅުނު 3 މެޗްގެތެރެއިން 2 މެޗުން މޮޅުވެ 1 މެޗުން އެއްވަރުވެ ލިބިފައިވަނީ 7 ޕޮއިންޓެވެ. ނެއްލައިދޫ ޓީމް 3 މެޗް ކުޅޭފައިވާއިރު 1 މެޗުން މޮޅުވެ 2 މެޗުން ބަލިވެ ލިބިފައިވަނީ 3 ޕޮއިންޓެވެ.

މިއަދު ކުޅޭ މެޗްގައި ބައްދަލުކުރަނީ ހަނިމާދޫ އަދި ނޮޅިވަރަމެވެ.