އަލީ އައްބާސް އަދި މުހައްމަދު އައްޔޫބު ފްރީ ޑައިވިންގެ މަތީ ފާހެއް ހޯދައިފި

ބައިނަލްއަގްވާމީ ފްރީ ޑައިވިން މުބާރާތްތަކުގައި އޮފިޝަލް ކުރުމުގެ ހުއްދަ ކުޅުދުއްފުށީ ދެ ޑައިވަރުން ކަމަށްވާ އަލީ އައްބާސް އަދި މުހައްމަދު އައްޔޫބަށް ލިބިއްޖެ ، މި ދެ ބައިވެރިންނަކީ ކުޅުދުއްފުއްޓަށް އުއްފަން ދެ ބޭފުޅުންނެވެ.

ފްރީޑައިވިން އެސޯސިއޭޝަނާއި ބަނޑޮސް މޯލްޑިވްސް ގުޅިގެން 7 ދުވަހުގެ މުއްދަތަށް ކުރިއަށްގެންދިޔަ މި ކޯހުގައި ޖުމްލަ 6 ޑައިވަރުން ވަނީ ބައިވެރިވެފަ އެވެ.

އެގޮތުން މި ކޯހުގައި ކިޔަވައިދީފައި ވަނީ ފްރީޑައިވިންގައި ބައިނަލްއަގްވާމީ ފެންވަރުގައި ގިނަ ކޯސްތަކެއް ކުރިއަށްގެންގޮސްފައިވާ އެލާނާ ކެސްކީ އެވެ.

ކޯސް ފުރިހަމަ ކުރި 6 އޮފިޝަލުން ވެފައިވަނީ ސައުތު އޭޝިއާ ސަރަހައްދުގައި ފްރީ ޑައިވިން އިން އިންޓަނޭޝަނަލް މުބާރާތްތަކުގައި އޮފިޝަލްކަން ކުރުމުގެ ހުއްދަ ލިބުނު ފުރަތަމަ ހަ އޮފިޝަލުންނަށެވެ.