ހދ އަތޮޅު ވޮލީ މުބާރާތުގައި 5 ރަށަކުން 6 ޓީމެއް ބައިވެރިވެއްޖެ

އަންހެނުންނަށް ހާއްސަކޮށްގެން ހދ އަތޮޅު ކައުންސިލުން އިންތިޒާމްކޮށްގެން މިމަހު ބާއްވާ ވޮލީބޯޅަ މުބާރާތްގައި އެއަތޮޅުގެ 5 ރަށަކުން 6 ޓީމެއް ބައިވެރިވެއްޖެ އެވެ.

މުބާރާތުގައި ބައިވެރިވި 5 ރަށަކީ ނޮޅިވަރަންފަރު، ހަނިމާދޫ، ކުޅުދުއްފުށީ، ނައިވާދޫ އަދި ނޮޅިވަރަމެވެ. ނޮޅިވަރަމް ދެ ޓީމް ވަނީ މިމުބާރާތަށް ނެރެފަ އެވެ.

މޫސުމް ރަނގަޅު ނަމަ މިމުބާރާތް މިމަހު 23 ގައި އޮންނާނެ އެވެ. މިމުބާރާތް ބާއްވަން ހަމަޖެހިފައިވަނީ ކުޅުދުއްފުށީގައި ހުންނަ ޒޯން ސްޓޭޑިއަމްގަ އެވެ.