ބީޗް ފުޓްބޯޅައިގެ ޗެންޕިއަންކަން ޓީމް ޒިގްޒެގް ހޯދައިފި

އިއްޔެ ހަވީރު ޓީމް ޒިގްޒެގް އަދި މިނީ ޒިގްޒެގް ވާދަކޮށް 7-0 ޓީމް ޒިގްޒެގް ޗެންޕިއަންކަން ހޯދައިފި އެވެ.

އީދާ ގުޅިގެން ޑޮޖްބޯލް އަދި ބީޗް ފުޓްބޯޅަ ކުރިއަށް ގެންގޮސްފައި ވާއިރު ޑޮޖްބޯލް އިން ޗެންޕިއަން ކަން ހޯދާފައި ވަނީ ޓީމް ގަރަހިތަ އެވެ.

ބީޗް ފުޓްބޯޅަ އަދި ޑޮޖްބޯލްއިން ވަނީ އެންމެ މޮޅު 5 ކުޅުންތެރިޔާއާއި ކިންގް އަދި ކުއީން އޮފް ދަ ޓޯނަމެންޓް ވަނީ ހޮވާފަ އެވެ.

ބީޗް ފުޓްބޯޅަ އިން އެންމެ މޮޅު 5 ކުޅުންތެރިންނަށް ހޮވިފައި ވަނީ ޓީމް ޒިގްޒެގް ޖޯޒީ ނަންބަރު 57 އަންވަރު އާދަމް، ޖޯޒީ ނަންބަރު 17 އާދަމް ނަދީމް، މިނީ ޒިގްޒެގް ޖޯޒީ ނަންބަރު 10 އިބްރާހިމް އާސިފް، އެރީކެޓީ ފޭބީގެ ޖޯޒީ ނަންބަރު 21 އަސްވަދު ރަޝީދު، ސްމޯކީގެ ޖޯޒީ ނަންބަރު 3 އަބްދުﷲ އިބްރާހިމެވެ.

އެގޮތުން ކިންގް އޮފް ދަ ޗެލެންޖަކަށް ހޮވިފައި ޒިގްޒެގް އަހުމަދު ނަދީމެވެ .

ޑޮޖްބޯލް ގެ އެންމެ މޮޅު 5 ކުޅުންތެރިންނަށް ހޮވިފައިވަނީ ކަބޯރަނި ޓީމުގެ ޖޯޒީ ނަންބަރު 3 އަޒްލީނާ ހަސަން، ޖޯޒީ ނަންބަރު 7 ޒުހުރާ އަހުމަދު، ޖޯޒީ ނަންބަރު 5 ޝަރޫނާ މުހައްމަދެވެ. މީގެ އިތުރުން ގަރަހިތަ ޓީމުގެ ޖޯޒީ ނަންބަރު 5 ފަރުޒާނާ އަލީ އަދި އެޓީމުގެ ޖޯޒީ ނަންބަރު ފަޒްލީނާ އަލީ ވެސް ވަނީ މޮޅު 5 ކުޅުންތެރިން ތެރޭ ހިމެނިފަ އެވެ.

ޑޮޖްބޯލްގެ ފައިނަލް މެޗުގެ ކްއީން އޮފްދަ މެޗަކަށް ހޮވިފައިވަނީ ކަބޯރަނި ޓީމުގެ ޖޯޒީ ނަންބަރު 3 އަޒްލީނާ ހަސަން އެވެ.

މި ދެ މުބާރާތަކީ ކުޅުދުއްފުށީ ސްކައި ޖަމިއްޔާއިން އިންތިޒާމްކޮށްގެން އަޟްހާ އީދާއި ދިމާކޮށް ކުރިއަށް ގެންދިޔަ 2 މުބާރާތެވެ.