މައިލޯ ކަލާސް އެވޯޑް ޖަލާލުއްދީން ސްކޫލުގެ 2 ދަރިވަރަކަށް

Oct 4, 2016

ސްކޫލްތަކުގެ ދަރިވަރުން ކުޅިވަރު ރޮނގުން ހޯދާ ކާމިޔާބީ ފާހަގަކުރުމަށް ބާއްވާ “މައިލޯ ކަލާސް އެވޯޑް”ގެ ޖަލާލުއްދީން ސްކޫލުގެ 2 ދަރިވަރަކަށް ލިބިއްޖެ އެވެ.

މައިލޯ ކަލާސް އެވޯޑް ލިބުނު ޖަލާލުއްދީން ސްކޫލުގެ 2 ދަރިވަރުންނަކީ ކުޅުދުއްފުއްޓަށް އުފަން ނަޝާ ނިޒާރާއި އަހުމަދު އަނޫފެވެ. މި ދެ ދަރިވަރުންށްވެސް އެވޯޑް ލިބިފައިވަނީ އެޗްލެޓިކްސްގެ ދާއިރާއިންނެވެ.

މޯލްޑިވްސް އޮލިމްޕިކް ކޮމިޓީގެ ސްކޮލާޝިޕެއްގެ ދަށުން ބޮޓްސްވާނާގައި މިހާރުވެސް ތަމްރީން ހަދަމުން އަންނަ އަހުމަދު އަނޫފްގެ އެވޯޑާއި ހަވާލުވީ އޭނާގެ މަންމަ އެވެ. އަނޫފްއަށް ވަނީ މިރޭ އިތުރު ސްކޮލަރޝިޕެއްވެސް ލިބިފަ އެވެ. އަނޫފް ރާއްޖޭގެ ޖޫނިއާ ލެވެލްގެ އެންމެ ބާރު ދުވުންތެރިޔާ އެވެ.

ނަޝާ ނިޒާރަކީ އަރަމުން އަންނަ އުންމީދީ އެތްލީޓެކެވެ. ރާއްޖޭގެ ޖޫނިއަރ އެންމެ ބާރު އަންހެން ދުވުންތެރިޔާގެ މަގާމު ވެސް އޮންނަ ނަޝާގެ އަތުގަ އެވެ.