ފޯރިގަދަ އެއްލައްކަ ކަޕް ފަށައިފި

ފޯރިގަދަ އަގުބޮޑު އެއްލައްކަ ފުޓްބޯޅަ މުބާރާތް ދިއްދޫގައި އިއްޔެ ފަށައިފި އެވެ.

ދިއްދޫ މަޖިލިސް މެމްބަރު އަބުދުލް ލަތީފް އިންތިޒާމްކުރާ މިމުބާރާތުގައި މިއަހަރު 6 ޓީމަކުން ވަނީ ބައިވެރިވެފަ އެވެ.

މިއަހަރު ބައިވެރިވެފައިވާ ޓީމުތަކަކީ މިމުބާރާތުގެ އެންމެ ފަހުގެ ޗެމްޕިއަން ޓީނޭޖް އާއި މިޑްލް ސްޕޯޓްސް އާއި އައްސޭރި އާއި ނާޑް ސްޕޯޓްސް އާއި ބްލެކްޒީނޯ ސްޕޯޓްސް އަދި ހީވެސްނުވޭ އެވެ.

މި މުބަރާތް ހުޅުވައިދިން މެޗުގައި ބައްދަލުކުރީ ބްލެކްޒީނޯ ސްޕޯޓްސް ކްލަބާއި ހީވެސްނުވޭ ޓީމެވެ. މި މެޗު 3-0 އިން ކާމިޔާބުކުރީ ބްލެކްޒީނޯ އެވެ.

ޗެމްޕިއަން ޓީމަކަށް އެއްލައްކަ ރުފިޔާ ލިބޭ މި މުބާރަތަކީ އަތޮޅު ތެރޭގައި ކުރިއަށްދާ އެންމެ އަގުބޮޑު އެއް މުބާރާތެވެ

މި މުބާރާތުގެ ފައިނަލް މެޗު ކުޅުމަށް ހަމަޖެހިފައިވަނީ މި މަހުގެ 17 ވަނަ ދުވަހު އެވެ