ބޮޑު ތަފާތަކުން ރެޑް ވިންގްސް ބަލިކޮށް ޒިގްޒެގް އިން އެމްބީއޭ ކަޕް 3 ގެ ފެށުން ރަގަޅު ކޮށްފި

މިހާރު ކުރިއަށްދާ އެމްބީއޭ ކަޕް 3 ގައި ކުޅުދުއްފުށީ ޒިގްޒެގްއިން ރެޑް ވިންގްސް ބަލިކޮށް މުބާރާތުގެ ފެށުން ރަގަޅުކޮށްފި އެވެ.

ރޭ ޒުވާނުންގެ މަރުކަޒުގެ އެތެރޭ ކޯޓުގައި ރެޑް ވިންގްސްއާ ދެކޮޅަށް ކުޅުނު މެޗު ޒިގްޒެގް އިން ކާމިޔާބުކުރީ 44-17 އިންނެވެ.

ރޭގެ މެޗުގެ މޮޅު ކުޅުންތެރިޔާގެ މަޤާމު އާމިނަތު ޝިއުރާ އަބްދުލް ބާރީ ހޯދިއިރު، އާއިޝަތު ނާޒިމާ އަދި ސިޒްނާ ރަޝީދު ވެސް ވަނީ މޮޅު ކުޅުމެއް ދައްކާފަ އެވެ. މީގެ އިތުރުން ޓީމުގެ ހުރިހާ ކުޅުންތެރިންވެސް ވަނީ ރޭގެ މެޗުގައި ކުޅެފަ އެވެ.

މި މުބާރާތުގައި ދެން ޒިގްޒެގް ކުޅޭ މެޗުގައި މި މަހުގެ 12 ވަނަ ދުވަހު ނުކުންނާނީ ސައިކްލޯންއާ ދެކޮޅަށެވެ.

މި މުބާރާތަށް ޒިގްޒެގް ނުކުމެފައިވަނީ ވަރުގަދަ ސްކޮޑަކާ އެކު އެވެ.

މި މުބާރާތުގައި ޒިގްޒެގް ގެ ޓެކްނޮލޮޖީ ޕާޓްނަރަކީ ކުއަންޓަމް އެވެ.