އެޗްވަންއެންވަން ފެތުރެމުންދާތީ މިނިވަން ޗެމްޕިއަންޝިޕް ފެށުން ފަސްކޮށްފި

ރާއްޖޭގައި އެޗްވަންއެންވަން ވައިރަސް ފެތުރެމުންދާތީ އެސްޓީއޯ މިނިވަން ޗެމްޕިއަންޝިޕް ފެށުން ފަސްކޮށްފި އެވެ.

މިމުބާރާތް ކުރިން ފެށުމަށް ހަމަޖެހިފައިވަނީ މިމަހުގެ 15 ވަނަ ދުވަހު އެވެ.

ފުޓްބޯޅަ އެސޯސިއޭޝަން އޮފް މޯލްޑިވްސް(އެފްއޭއެމްގެ) ރައީސް ބައްސާމް އަދީލް ޖަލީލު މިރޭ ކޭއޯއަށް ވިދާޅުވީ މިނިވަން ޗެމްޕިއަންޝިޕް މުބާރާތް ފަސްކޮށްފައިވާ ކަމަށެވެ.

އަދި އަލުން ބާއްވާނެ ތާރީހެއް ދެ ދުވަހެއްގެ ތެރޭގައި ހާމަކުރާނެކަމަށް ބައްސާމު ވިދާޅުވި އެވެ.

މުބާރާތުގެ ފެށުމުގެ ރަސްމިއްޔާތުގެ ތައްޔާރީތަކަށް މިއަދު ވަނީ ބައްސާމް ކުޅުދުއްފުއްޓަށްވެސް ވަޑައިގަންފަ އެވެ.

އެޗްވަންއެންވަން ރާއްޖޭގައި ހަލުވިކަމާއެކު ފެތުރެމުންދާތީ ހުރިހާ ސްކޫލުތަކެއް ބަންދުކޮށް، ކޮންމެ ކުރަންޖެހޭ ދަތުރުތައް ނޫން އެހެން ދަތުރުތައް ނުކުރުމަށް ހެލްތުން ވަނީ އިލްތިމާސްކޮށްފަ އެވެ.