މިނިވަން ޗެމްޕިއަންޝިޕްގެ ފުރަތަމަ ކުރިމަތިލުން ކުޅުދުއްފުށި އަދި ކުރިނބީ

މިނިވަންޗެމްޕިއަންޝިޕްގެ ފުރަތަމަ މެޗު މިއަދު ހަވީރު ކުޅުމަށް ޖެހިފައިވާއިރު ފުރަތަމަ ބައްދަލު ކުރާނީ ކުޅުދުއްފުށި އަދި ކުރިނބީގެ ޓީމެވެ.

މިނިވަން ޗެމްޕިއަންޝިޕް ޒޯން އެކެއްގެ ހދ. އަތޮޅުގެ ގުރޫޕް އެކަކުން ފެށުމަށް ހަމަޖެހިފައިވާއިރު ޒޯން އެކެއްގެ ދެވަނަ މެޗުގައި މާދަމާ ބައްދަލުކުރާނީ ނޮޅިވަރަމް އަދި ފިނޭ އެވެ. ހދ. ގެ މެޗުތައް ކުޅުމަށް ހަމަޖެހިފައިވަނީ ކުޅުދުއްފުށީގައެވެ.

މީގެ އިތުރުން މާދަމާ ޒޯން ދެއެއްގެ ނޫނު އަތޮޅުގެ ކެނދިކުޅުދޫ އަދި މަނަދޫ ބައްދަދަލުކުރާނެ އެވެ. ނ.އަތޮޅުގެ މެޗުތައް ކުޅުމަށް ހަމަޖެހިފައިވަނީ ކެނދިކުޅުދޫގައެވެ.

ހއ. އަތޮޅުގެ ފުރަތަމަ ބުރު 26 ވަނަ ދުވަހު ފެށުމަށް ހަމަޖެހިފައިވާއިރު، އެ އަތޮޅުގެ މެޗުތައް ކުރިއަށްދާނީ ފިއްލަދޫގައެވެ.

މިނިވަން ޗެމްޕިއަންޝިޕްގައި މިއަހަރު 81 ޓީމަކުން ބައިވެރި ވެފައި ވައިރު، މިމުބާރާތުގައި އެންމެ ގިނަ ރަށްތައް ބައިވެރިވެފައިވަނީ ހދ. އަތޮޅުންކަން ފާހަގަކޮށްލެވެ.

އެއީ ހދ ހަނިމާދޫ، ކުޅުދުއްފުށި، ހިރިމަރަދޫ، ކުމުންދޫ، ކުރިނބީ، ނޭކުރެންދޫ، ފިނޭ، ނޮޅިވަރަންގެ އިތުރުން ނޮޅިވަރަންފަރެވެ.