އޭދަފުށީ ފުޓްބޯޅަ ޓީމާއި މާޅޮހުގެ ޓީމް ކުޅުދުއްފުއްޓަށް އަތުވެއްޖެ

މިއަހަރުގެ މިނިވަން ޗެމްޕިއަންޝިޕްގެ ފައިނަލް ބުރުގެ ކުޅުދުއްފުށީގައި ކުޅޭ ޓީމުތަކުގެ ތެރެއިން އއ މާޅޮހުގެ ފުޓްބޯޅާ ޓީމާއި ބ.އޭދަފުށީ ފުޓްބޯޅަ ޓީމް މިއަދު ކުޅުދުއްފުއްޓަށް އަތުވެއްޖެ އެވެ.

މާޅޮހުގެ ޓީމް މިއަދު ކުޅުދުއްފުއްޓަށް އައިސްފައިވަނީ ހެނދުނު ބަހާދަރު ބޯޓުންނެވެ. އޭދަފުށީ ޓީމު އައީ ހަނިމާދޫ މަގުންނެވެ. އެޓީމް ކުޅުދުއްފުއްޓަށް އާދެވުނީ މެންދުރުފަހު 1:30 އޭހާއިރު އެވެ.

މި ގުރޫޕްގައި ހިމެނޭ ށ މިލަންދޫ ޓީމް އައުމަށް ހަމަޖެހިފައިވަނީ މެޗް ކުޅޭ ދުވަސްތަކުގަ އެވެ.

ކުޅުދުއްފުށީ ގުރޫޕްގައި ކުޅޭ ފުރަތަމަ މެޗުގައި ބައްދަލުކުރާނީ މިދިޔަ އަހަރުގެ ޗެމްޕިއަން ވަރުގަދަ އޭދަފުއްޓާއި ކުޅުދުއްފުއްޓެވެ. މިމެޗު އޮންނަނީ 6 ވަނަ ދުވަހު ހަވީރު އެވެ.