މިއަދުގެ މެޗުން މޮޅުވާނެކަމުގެ ޔަގީންކަން އެބައޮތް: އޭދަފުށީ ޓީމް

މިއަދު މެޗަށް ކުޅުދުއްފުއްޓާ ދެކޮޅަށް ނިކުންނަނީ މޮޅުވުމުގެ ވަރަށް ބޮޑު އުންމީދުގައި ކަމަށް އޭދަފުށީ ޓީމުން ބުނެފި އެވެ.

މިއަދު މެޗަށް އޭދަފުށީ ޓީމް އޮތީ ވަރަށް ބޮޑަށް ތައްޔާރުވެފައިކަމަށާއި ނިކުންނަނީ މޮޅުވާނެކަމުގެ ވަރަށް ބޮޑު އުންމީދުގައި ކަމަށް އެޓީމްގެ މެނޭޖަރު އަބުދުލް މަޖީދު ހަސަން ވިދާޅުވި އެވެ.

ކޭއޯއަށް ދެއްވި އިންޓަވިއުގައި އަބުދުލް މަޖީދު ވިދާޅުވީ މިއަދު ކުޅުދުއްފުއްޓާއި ދެކޮޅަށް ނިކުންނައިރު މެޗުން މޮޅުވާނެކަމުގެ އުންމީދު ވަރަށް ބޮޑު ކަމަށާއި ޔަގީންކަމާއެކު މޮޅުވާނެކަމަށް އޭނާ ވިދާޅުވި އެވެ.

“މޮޅުވާނެކަމުގެ ވަރަށް ބޮޑު އުއްމީދެއް އެބައޮތް.މޮޅުވާނެކަމުގެ ޔަގީން ކަމާއެކު މިއަދު މިނުކުންނަނީ” އޭދަފުށީ ޓީމްގެ މެނޭޖަރު ވިދާޅުވި އެވެ.

އޭނާ ވިދާޅުވީ ޓީމް އޮތީ ތައްޔާރަށް ކަމަށާއި އަނިޔާގެ އެއްވެސް މައްސަލައެއް ނެތްކަމަށެވެ. ތިން ކުޅުންތެރިޔަކު ފިޔަވާ ހުރިހާ ކުޅުންތެރިންނަކީ އޭދަފުށީގެ ކުޅުންތެރިންނެވެ. އޭދަފުށީ ނޫން ދެން އެޓީމަށް ކުޅޭ 3 ކުޅުންތެރިނަކީ ބ އަތޮޅަށް ނިސްބަތްވާ ކުޅުންތެރިންނެވެ.

އޭދަފުށީ ޓީމަކީ މިދިޔަ އަހަރުގެ ޗެމްޕިއަނުންނެވެ. ފުޓްބޯޅައިގައި ނަން ވިދާ ރަށެކެވެ. ރާއްޖޭގެ ފެންވަރުގައި މޮޅެތި ހުނަރުވެރި ކުޅުންތެރިންތަކެއް އުފެދިފައިވާ ރަށެއްވެސް މެ އެވެ.