6 އަހަރުގެ މެދުކެނޑުމަކަށްފަހު ޖަލާލުއްދީން ސްކޫލްގެ އޯޕަން ޑޭ ބޭއްވުމަށް އެސްކޫލުން ނިންމައިފި އެވެ.
އެ ސްކޫލްގެ 20 ވަނަ އަހަރީ ދުވަހާ ގުޅުވައިގެން ބޭއްވުމަށް ހަމަޖެހިފާ މި އޯޕަން ޑޭ އޮންނާނީ 16 ފެބްރުއަރީ ވާ ހުކުރު ދުވަހު ހަވީރު 16:30 ން 18:15 އަށް އަދި 17 ފެބްރުއަރީ ވާ ހޮނިހިރު ދުވަހު ހެނދުނު 8:00 ން 12:00 ށެވެ.
ހުރިހާ ގްރޭޑެއްގެ ދަރިވަރުން ބައިވެރިވާ މި އޯޕެންޑޭގައި ފެނިގެންދާނީ ދަރިވަރުންގެ އަމިއްލަ އުފެއްދުންތަކެވެ.
އެ ސްކޫލްގެ އަހަރީ ދުވަހާއި ގުޅުވައިގެން ހާއްސަ އެސެމްބްލީއެއްވެސް ބޭއްވުމަށް ވަނީ ހަމަޖެހިފައެވެ. ޖަލާލުއްދީން ސްކޫލް ހުޅުވާފައިވަނީ 15 ފެބްރުއަރީ 1998 ގަ އެވެ.