ހޯރަފުށީގައި ޓްރެފިކް އޮޕަރޭޝަނެއް ކުރިއަށްގެންގޮސްފި

ޚަދީޖާ އާދަމް - 6 މަސް ކުރިން - 12 މާރޗް 2018



މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށްޓަކައި ހޯރަފުށީ ޕޮލިސްޓޭޝަނުން އެރަށުގައި ޓްރެފިކް އޮޕަރޭޝަނެއް ކުރިއަށް ގެންގޮސްފި އެވެ.

މި އޮޕަރޭޝަންގައި އަހަރީ ފީއާއި އިންޝުއަރެންސާއި ރޯޑްވާދިނަސް ބެލުމުގެ އިތުރުން ޓްރެފިކްގެ އެހެނިހެން ވައިލޭޝަންތައް ބަލާފައި ވެއެވެ.

މާރޗް 5ވަނަ ދުވަހުގެ 16:30ން 18:00 ކުރިއަށް ގެންދިޔަ މިއޮޕަރޭޝަން ގައި ޖުމްލަ 85 އުޅަނދު ބަލާފާސްކޮށް އެއްގަމު އުޅަނދު ދުއްވުމުގެ ޤަވާއިދާއި ޚިލާފްވެފައިވާ 4 ފަރާތަކާއިމެދު ފިޔަވަޅުއަޅައި ނަސޭހަތްތެރިވެފައިވެއެވެ.

މޮ އޮޕަރޭޝަނަކީ ހޯރަފުށީގައި ދުއްވާ އުޅަނދުތަކަކީ އެއްގަމު ދަތުރުފަތުރުގެ ޤާނޫނާއި ޤަވާއިދާއި އެއްގޮތަށް ދުއްވާ އުޅަނދުތަކެއްތޯ ބެލުމާއި، ހޯރަފުށީގެ މަގުތަކަކީ ރައްކާތެރި އަމާން މަގުތަކަކަށް ހެދުމުގެ ގޮތުން ކުރިއަށް ގެންދިޔަ އޮޕަރޭޝަނެކެވެ.


ގުޅުން ހުރި ލިޔުންތައް