އެފް.އޭ.އެމް ގްރާސްރޫޓް ކޯޗިންގ ކޯސް ކުޅުދުއްފުށީގައި ފަށައިފި

ޔޫތު (ސުކައި)އާއި ހިރަފުސް އަދި ، ކުރީގެ މަޝްހޫރު ފުޓްބޯޅަ ކުޅުންތެރިޔާ މައުރޫފް އަހުމަދު (މާއްޓޭ) އަދި ފުޓްބޯލް އެސޯސިއޭޝަން އޮފް މޯލްޑިވްސް ގުޅިގެން  ބާއްވާ “އެފް.އޭ.އެމް ގްރާސްރޫޓް ކޯޗިންގ ކޯސް” ފަށައިފި އެވެ.

މިކޯސް 22 މާރިޗު 2018 އިން 28 މާރިޗު 2018 އަށް ކުރިއަށްދާއިރު މި ކޯހުގައި ޖުމްލަ 19 ބައިވެރިން ދަނީ ތަމްރީނު ހަދަމުންނެވެ. މި ކޯހުގައި ކިޔަވައިދެއްވަނީ އެފްއޭއެމްގެ އޭ ލައިސަންސް ކޯޗެއް ކަމުގައިވާ އަހްމަދު ޝަރީފް (ޑޫންގާ) އެވެ. އޭގެ އިތުރުން މި ކޯހުގައި މައުރޫފް އަހްމަދު (މާއްޓޭ) ވެސް ދަނީ އިރުޝާދު ދެމުންނެވެ.

ކުރީގެ މަޝްހޫރު ފުޓްބޯޅަ ކުޅުންތެރިޔާ މައުރޫފް އަހުމަދު (މާއްޓޭ)ގެ ނަމުގައި ހިންގާ ކުޑަކުދިންގެ ފުޓްބޯޅަ އެކަޑަމީއެއް ކުރިއަށް އޮތްތާނގާއި ކުޅުދުއްފުށީގައި ފެށުމަށް ދަނީ ތައްޔާރުވަމުންނެވެ. މިއީ ކުޅުދުއްފުށީގެ ފުޓްބޯޅައާއި ޤާބިލުޖީލެއް ބިނާކުރުމަށް އެޅިގެންދާނެ ބިންގަލެއްކަމުގައި ސުކައިން ދެކެ އެވެ.