ޓަގެއްގައި އަދީބު ފިއްލެވި މަންޒަރު ދައްކާލައި މަށިމާލި ޕެރޭޑު ސަމާލުކަން ހޯދައިފި

ކުޅުދުއްފުށީގެ މަށިމާލި ޕެރޭޑްގައި މިއަހަރުވެސް ގިނަ ސިޔާސީ ޖޯކުތަކާއެކު ގިނަ ބައެއްގެ ސަމާލުކަން ހޯދައިފި އެވެ.

މިހާރު މަށިމާލި ޕެރޭޑަކީ އެތައްކަމެއް އޭގެ ތެރޭގައި ހިމެނޭ އަދި އެތައް ބައިވަރު ވައްތަރުގެ މާލިތަކުގެ އިތުރުން މެސެޖުތަކެއް ގެނެސްދޭ ކުޅިވަރެކެވެ. އޭރެއްގައި އެންމެ “ޓްރެންޑިންގ” ކަންކަމަށް ހަޖޫ ޖަހާލުމެކެވެ.

މިއަހަރުގެ މަށިމާލި ޕެރޭޑުންވެސް ސިޔާސީ ގިނަ ޖޯކްތަކެއް ފެށިގެން ދިޔަ ސަރުކާރުން ރައްޔިތުންނަށްވެފައިވާ ބައެއް ވައުދުތައް ނުފުއްދާތީ އެކަމަށްވެސް ހަޖޫ ޖަހާފައިވެ އެވެ.

Do these floats speak anything to you @ameenex @ibusolih @FaisalNasym?
You promised a teriatiary hospital for Kulhudhuffushi but the condition of the existing one is degrading fast.@anuahsa @MoH_mv @WHOMaldives @presidencymv pic.twitter.com/TyhasaF0k9

— Adam Abdulla (@edzyadam) August 12, 2019

މިއަހަރުގެ މަށިމާލި ޕެރޭޑްގައި އެންމެ ގިނަ ބައެއްގެ ސަމާލުކަން ހޯދީ ކުރީގެ ނައިބު ރައީސް އަހުމަދު އަދީބު ފިއްލަވައިގެން އިންޑިޔާގެ ސޫތުކުޅިއަށް ވަޑައިގެންނެވި މަންޒަރުތައް ދައްކުވައިދޭ މާލިތަކެވެ. އަދި ކުޅުދުއްފުށީ ހޮސްޕިޓާ ޓާޝަރީކުރުމުގެ ވައުދުތަކާއި ފުލެޓްގެ ވައުދުތަކުންވެސް ރައްޔިތުންގެ ކަންބޮޑުންވުން ދައްކާލާފައިވެ އެވެ.

ކުޅުދުއްފުއްޓާއި އިންޑިޔާގެ ކޮޗިންނާ ދެމެދު ސަރުކާރުން ދޭން ވައުދުވި ފެރީގެ ނިޒާމަށްވެސް ވަރަށް ފުރިހަމައަށް މި މާލި ޕެރޭޑްގައި ވަނީ ހަޖޫޖަހާލާފަ އެވެ. އެގޮތުން އެފަދަ ތަފާތު ދެ ފުޅަނދެއް ދައްކާލާފައިވެ އެވެ. އަދި ބާގީ ލުތުފީ އެއާޕޯޓުން އައި މަންޒަރުވެސް މި މާލި ޕެރޭޑްގައި ދައްކާލާފައިވެ އެވެ.

Mashi maali: Tug bro 😅 pic.twitter.com/ugyY39UTan

— naxim ian haxn 🎈 (@naximian) August 12, 2019

ސަރުކާރުން ރައްޔިތުންނަށް ވެފައިވާ ވައުދުތަކުގެ މަތިން ހަނދާންކޮށްދިނުމުގެ ގޮތުންވެސް ގިނަ މާލިތަކެއް ހަރަކާތްތެރިވެފައިވެ އެވެ.

މި ޕެރޭޑްގައި އެޖެންޑާ 19 އަށްވެސް ފާޑުކިޔާފައިވާއިރު މި މާލި ޕެރޭޑްގައި އެތަކެއް ސަތޭކަ މާއްޔެއްވަނީ ބައިވެރިވެފަ އެވެ.