އިސްލާމްދީނުގެ އަސްލުތަކާއި ހިލާފު ފޮތްތަކެއް ވިއްކަމުންދަނިކޮށް އަތުލައިގަނެފި

އިސްލާމްދީނުގެ އަސްލުތަކާއި ހިލާފު ވާހަކަތަކެއް ލިޔެފައިވާ ފޮތް ތަކެއް މާލޭގައި ވިއްކަމުންދަނިކޮށް އަތުލައިގަނެފިއެވެ.

މި ކަމާއި ގުޅިގެން މޯލްޑިވްސް ކަސްޓަމްސް އިން ވިދާޅުވީ އިސްލާމްދީނުގެ އަސްލުތަކާއި ހިލާފު ވާހަކަތަކެއް ހުރި 109 އަށްވުރެން ގިނަފޮތް ތަކެއް ކަސްޓަމްގެ ބެލުމުގެ ދަށަށް ގެނެސްފައިވާކަމަށެވެ. މި ފޮތްތައް އަތުލައިގަނެފައި ވަނީ މާލޭ ފިހާރައެއްގައި ވިއްކަން ބަހައްޓާފައި ވަނިކޮނެވެ.

ނަމަވެސް ކަސްޓަމްސްއިން މި ފޮތްތައް އަތުލައިގަނެފައިވަނީ ކޮންފިހާރައަކުން ކަމެއް ކަސްޓަމްސްއިން އަދި ހާމަކޮށްފައެއް ނުވެއެވެ.

މީގެ ކުރިންވެސް އިސްލާމްދީން ނޫން އެހެން ދީންތައް އެކި ގޮތްގޮތުން ފެތުރުމަށް މަސައްކަތް ކުރުމުގެ ހިތާމަވެރި ހާދިސާތައް ވަނީ ފެންމަތިވެފައެވެ.