ހދ އަތޮޅު ކައުންސިލްގެ ވައިކަރަދޫ ދާއިރާގެ ކުރީގެ މެމްބަރު އަބުދުލް މުހައިމިނަށް ހޯމް މިނިސްޓްރީގެ އިސް މަގާމަކަށް އައްޔަން ކުރައްވައިފި އެވެ.
މުހައިމިނު އައްޔަނުކުރެއްވީ ހޯމް މިނިސްޓްރީގެ ސީނިއަރ އެގްޒެކްޓިވް ޑައިރެކްޓަރުގެ މަގާމަށެވެ. ނޭކުރަންދޫއަށް ނިސްބަތްވާ މުހައިމިން ވަޒީފާއަށް ނިކުންނަވަން ފައްޓަވާފައިވަނީ މިއަދު އެވެ.
މަކުނުދޫ ދާއިރާގެ މެމްބަރު މުހައްމަދު ރާއީއާ ގާތްގުޅުމެއް އޮންނަ މުހައިމިނަށް މަގާމު ލިބުމުން ރާއީ ވަނީ އޭނާއަށް މަރުހަބާ ދަންނަވާފަ އެވެ.
Congratulations Home Ministry Senior Executive Director @MuhaiminSayCan. pic.twitter.com/q6AsRXWpvl
— Raee2019 / Makunudhoo (@Mraee12) September 22, 2019
މުހައިމިނަކީ ރައީސް ނަޝީދުގެ ވެރިކަމުގައި 2009 ވަނަ އަހަރު ނޭކުރަންދޫ ކައުންސިލަށް އައްޔަންކުރެއްވި ބޭފުޅެކެވެ. އޭނާ ފާހަގަކުރެވިފައިވަނީ އަތޮޅުތެރޭގެ ހައްގުގައި އަޑުއުފުލާ ބޭފުޅެއްގެ ގޮތުގައި އެވެ.