މިއަހަރު މިހާތަނަށް ފަސް ރަށެއްގައި 8000 އަށްވުރެ ގިނަ ރުއްގަސް އިންދައިފި

މިއަހަރުގެ މިހާތަނަށް ފަސް ރަށެއްގައި 8000 އަށްވުރެ ގިނަ ރުއްގަސް އިންދާފައިވާކަމަށް އެންވަރަމެންޓް ޕްރޮޓެކްޝަން އެޖެންސީ (އީޕީއޭ) އިން މިއަދު ހާމަކޮށްފި އެވެ.

އީޕީއޭއިން މިއަދުކޮށްފައިވާ ޓްވީޓެއްގައި ބުނެފައިވަނީ މިއަހަރުގެ މިހާތަނަށް ފަސް ރަށެއްގައި 8602 ރުއްގަސް އިންދާފައިވާ ކަމަށެވެ. އެއީ ޅ. މަޑިވަރު، ލ. ކުނަހަންދޫ، ނ. މަނަދޫ، ނ. މަގޫދޫ އަދި ވ. ވާދޫގަ އެވެ.

ރުއްގަސް އިންދި ރަށްތަކުގެ ތެރޭގައި މީގެ ކުރީ އަހަރުތަކުގައި ދީފައިވާ ހުއްދައިގެ ދަށުންވެސް ނަގާފައިވާ ރުއްގަސް މިއަހަރު އިންދާފައިވާކަމަށް އީޕީއޭ އިން މައުލޫމާތުދެ އެވެ.

Below is the vegetation removal and re-plantation numbers for development projects for 2019. We are following up with all parties who have not replanted as per the given permits pic.twitter.com/KxsPt8WBh8

— EPA Maldives (@EPAMaldives) October 20, 2019

އީޕީއޭ އިން ބުނީ މިއަހަރުގެ މިހާތަނަށް ރުއްގަސް ނެގުމަށް ހުއްދަދީފައިވަނީ 21 ރަށަކުން ކަމަށާއި އެ ރަށްތަކުން ނަގާފައިވަނީ 2706 ރުއްގަސް ކަމަށެވެ.

މިއަހަރުގެ މިހާތަނަށް ރުއްގަސް ނަގަން ހުއްދަދިން ރަށްތަކުގެ ތެރޭގައި ށ.ނަރުދޫ، ށ.ފޯކައިދޫ، ށ.ގޮއިދޫ، އއ.ތޮއްޑޫ، އއ.މަތިވެރި، ރ.ރަސްމާދޫ، ރ.ވާދޫ، ރ.ރަސްގެތީމް، ރ.އަނގޮޅިތީމް، ލ.ގަން، ލ.ހިތަދޫ، ލ.ކުނަހަންދޫ ހއ.މޮޅަދޫ، ހއ.ބާރަށް، ނ.މަނަދޫ، ނ.މާއުގޫދޫ، ނ.ޅޮހި އަދި މ.މާވަށް ހިމެނެ އެވެ.

އަލަށް ހަދާ ރިސޯޓްތައް ފެހިކުރަން ގިނަ ރަށްތަކަކުން ގިނަ އަދަދަކަށް ރުއްގަސް ނަގައި މައްސަލަ ވަނީ ބޮޑުވެފަ އެވެ. އެކަމުގެ ސަބަބުން އިންތިހާއަށް ތިމާވެއްޓަށް ނުރައްކާތެރި އަސަރުކުރެ އެވެ.