ރަށުގެ އެކި ސަރަހައްދުތަކަށް ދޫކޮށްލާފައި ހުރި ބާ އުޅަނދުތައް ނެގުމަށް އަންގައިފި
ކުޅުދުއްފުށީ އެކި ސަރަހައްދުތަކުގައި ބޭނުންނުކޮށް މަގުތަކަށް ދޫކޮށްލާފައިހުރި އުޅަނދުތައް ނެގުމަށް ކައުންސިލުން އަންގައިފި އެވެ.
ކުޅުދުއްފުށީ ކައުންސިލުން މިއަދު ނެރުނު އިއުލާނެއްގައި ބުނެފައިވަނީ ރަށުގެ އެކި ސަރަހައްދުތަކުގައި ބޭނުންނުކޮށް ދޫކޮށްލާފައިވާ ގިނަ އަދަދެއްގެ އުޅަނދު ހުރި ކަމަށެވެ. އަދި އެކަމުގެ ސަބަބުން ޝަކުވާ ވަރަށް ބޮޑަށް ކައުންސިލަށް ލިބެމުންދާ ކަމަށެވެ.
މަގުތަކަށް ދޫކޮށްލާފައިވާ އެފަދަ އުޅަނދުތަކުގެ ސަބަބުން މަގުތައް ބޭނުންކުރާ ފަރާތްތަކަށް އުނދަގޫވެ މަގުތަކުގެ ރީތިކަން ގެއްލިފައިވާ ކަމަށް ކައުންސިލުގެ އިއުލާނުގައިވެ އެވެ.
އެހެންކަމުން އެފަދަ އުޅަނދުތައް ޑިސެމްބަރުމަހުގެ 15 ވަނަ ދުވަހުގެ ކުރިން ނެގުމަށް ވަނީ ކައުންސިލުން އަންގާފަ އެވެ. އަދި އެންގުމަށް އަމަލު ނުކުރާ ފަރާތްތަކާމެދު ގާނޫނީ ފިޔަވަޅު އަޅާނެކަމަށް އެ އިދާރާއިން ބުނެ އެވެ.
ރަށުގެ އެކި ސަރަހައްދުތަކުގައި ބައުވެ ހަލާކުވެފައިވާ ގިނަ އަދަދެއްގެ ވެހިކަލްތައް އެބަހުއްޓެވެ.
ތަޖުރިބާކާރު ކަރުންމަތީގެ ޑޮކްޓަރު މައުރޫފް ކުޅުދުއްފުށީ ހާޖީ މެޑިކަލް ކުލިނިކަށް
ޓެލެމެޑިސިންގެ ހިދުމަތާއެކު ބޮޑެތި ބަލިތައް ފަރުވާހޯދާ ފަރާތްތަކަށް ލުއި ލިބިގެންދާނެ
ކުޅުދުއްފުށީ ހޮސްޕިޓަލުގައި ޓެލެމެޑިސިން އާއި އެންޑޯމެޓްރިއޯސިސް ހިދުމަތް އިފްތިތާހުކޮށްފި
ކޯޓު އަމުރެއްގެ ދަށުން ކުޅުދުއްފުށީ އެއާޕޯޓްގެ އެސިސްޓެންޓް މެނޭޖަރު ހައްޔަރުކޮށްފި
