61 ރަށެއްގައި އައުޓްޑޯ ޖިމް އެޅުމަށްބޭނުންވާ ސާމާނު ރާއްޖެ ގެނެސްފި

ރާއްޖޭގެ އެކި ސަރަހައްދުގެ 61 ރަށެއްގައި އެޅުމަށް ހަމަޖެހިފައިވާ އައުޓްޑޯ ޖިމް އަށް ބޭނުންވާ ތަކެތީގެ ފުރަތަމަ ޝިޕްމެންޓް ރާއްޖެ ގެނެސްފި ކަމަށް ޔޫތު މިނިސްޓަރު ވިދާޅުވެއްޖެ އެވެ.

މިކަން ހާމަކުރައްވާ ޔޫތް މިނިސްޓަރު އަހުމަދު މަހުލޫފް ކުރެއްވި ޓުވިޓެއްގައި ވިދާޅުވީ 61 ރަށެއްގައި އައުޓްޑޯ ޖިމް އެޅުމަށް ބޭނުންވާ ސާމާނުގެ ފުރަތަމަ ޝިޕްމެންޓް ރާއްޖެ ގެނެވިފައިވާ ކަމަށާއި ބާކީ ހުރި ޝިޕްމެންޓް އަވަސް މުއްދަތެއްގައި ލިބި އޯގަސްޓް މަސްތެރޭ މަސައްކަތް ފެށޭނެ ކަމަށް އުންމީދުކުރައްވާ ކަމުގަ އެވެ.

The first shipment of equipments needed to establish outdoor gyms in 61 islands has arrived in Maldives.We hope to start work on this project by August with the arrival of the remaining shipment. Thank @HCIMaldives for their immense assistance in carrying out this project.
🔴🟢⚪️ pic.twitter.com/tMZPT4Dzup

— Ahmed Mahloof (@AhmedMahloof) June 14, 2020

61 ރަށެއްގައި އަޅާ މި ޖިމްތަކަކީ އިންޑިއާގެ ސަރުކާރުގެ އެހީގައި އެޅުމަށް ނިންމާފައިވާ ޖިމްތަކެކެވެ. މި އެއްބަސްވުމުގައި ޔޫތު މިނިސްޓްރީން، ސްޕޯޓްސް ކޯޕަރޭޝަނާ އެކު އެއްބަސްވުމުގައި ސޮއިކުރީ މިދިޔަ އަހަރުގެ ތެރޭގަ އެވެ.

މި ޖިމް ތަކަކީ ސަރުކާރުގެ ވައުދުތަކުގެ ތެރޭގައި ހިމެނޭ "ދުޅަހެޔޮ ހަށިހެޔޮ" ސިއްހަތެއްގައި ރައްޔިތުން ބޭތިއްބުމުގެ ސިޔާސަތުގެ ތެރޭގައި ހިމެނިގެން ކަމެކެވެ.