އޭޑީކޭ ނޮދަން ޑިސްޓްރިބިއުޝަން ސެންޓަރު ރީލޮކޭޓްކޮށް އަލުން ހުޅުވައިފި

ކުޅުދުއްފުށީގައި ހުންނަ އޭޑީކޭގެ ނޮދާން ޑިސްޓްރިބިއުޝަން ސެންޓަރު ބަންޑާރަމަގު ލޯކަލް މާރުކޭޓު ސަރަހައްދަ ރީލޮކޭޓްކޮށް އަލުން ހުޅުވައިފި އެވެ.

ތަން ރީލޮކޭޓްކޮށް އަލުން ހުޅުވައި ދެއްވީ ކުޅުދުއްފުށީ ކައުންސިލްގެ ރައީސް އަބްދުލަތީފް ހަސަނެވެ. ރަށުގެ އެހެން ތަނަކަށް ސެންޓަރު ބަދަލު ކުުރުމުގެ ބޭނުމަކީ ރަށަށް އަންނަ ފަރާތްތަކަށް ފަސޭހައިން މުދާ ގަނެވޭނެ ގޮތް މަގުފަހިކޮށްދީ، ރަނގަޅު ހިދުމަތްތަކެއް ފޯރުކޮށްދިނުމަށް ކަމަށް އޭޑީކޭއިން މައުލޫމާތު ދެއެވެ.

ސެންޓަރާއެކު ފާމަސީވެސް ހުޅުވާފައިވާއިރު ވަރަށް އަވަހަށް ހުސްނުވާ އާސަންދައިގެ ހިދުމަތް ވެސް ފަށާނެ ކަމަށްވެސް އޭޑީކޭއިން މައުލޫމާތު ދެއެވެ.

2013 ވަނަ އަހަރު ހުޅުވިމި ސެންޓަރު ކުރިން ހިންގަމުންގޮސްފައިވަނީ އަމީނީމަގުގައި ހުންނަ އަމިއްލަ މީހެއްގެ ދެ ބުރީގެ އިމާރާތެއްގައި އެވެ. އަދި 2014 ވަނަ އަހަރު ހުޅުވި މި ސެންޓަރުގައި ދިޔައީ އޭޑީކޭ ހޮސްޕިޓަލްގެ ކޯލް ސެންޓަރުގެ ހިދުމަތްވެސް ދެމުންނެވެ.

އެ ސެންޓަރު އާ އިމާރާތެއް އަޅަން ނިންމާފައިވާއިރު ހަތަރު ބުރިއަށް ހަދައި މި އިމާރާތް އަޅަނީ ބަންޑާރަމަގު، ހޮސްޕިޓަލް ކައިރީގައި އެވެ.