ށ.ފޯކައިދޫ ސްކޫލްގައި 12 ކްލާސްރޫމްއާއި މަލްޓި ޕަރޕަސް ހޯލް އިމާރާތްކުރުމަށްޓަކާ ބަޔަކާ ހަވާލުކޮށްފި އެވެ. މި މަސައްކަތް ހަވާލުކުރީ ޑްޕްލެކްސް ޕްރައިވެޓް ލިމިޑެޓް ނަމަކަށް ކިޔާ ކުންފުންޏަކާ އެވެ.
މި މަސައްކަތުގެ އެއްބަސްވުމުގައި އެޑިއުކޭޝަން މިނިސްޓްރީން ސޮއި ކުރެއްވީ ސްޓޭޓް މިނިސްޓަރު އަހުމަދު ރިޔާޒެވެ. އަދި ޑުޕްލެކްސް ޕްރައިވެޓް ލިމިޓެޑް ފަރާތުން ސޮއި ކުރެއްވީ މެނޭޖިންގ ޑިރެކްޓަރ އަހުމަދު އަސްލަމެވެ.
ސަރުކާރުގެ ބަޖެޓްގެ ޕީއެސްއައިީގެ ދަށުން މި މަސައްކަތް ކުރުމަށްޓަކައި އެ ކުންފުންޏަށް ހަވާލުކުރީ 210 ދުވަހު ނިންމާގޮތަށެވެ. މި މަސައްކަތަށް ސަތާރަ މިލިއަނަށްވުރެ ގިނަ ރުފިޔާ ހަރަދުވާކަމަށް އެޑިއުކޭޝަން މިނިސްޓްރީން މައުލޫމާތުދެ އެވެ.
މި މަޝްރޫއުގެ ދަށުން އެ ސްކޫލްގައި 12 ކްލާސްރޫމްއާއި 2 ބުރި އިމާރާތުގެ މަލްޓި-ޕަރޕަސް ހޯލެއް އެޅުމަށްވެސް ހަމަޖެހިފައިވެ އެވެ. އެޑިއުކޭޝަން މިނިސްޓްރީން ބުނީ މި މަސައްކަތް މިއަހަރުގެ އޯގަސްޓްމަހަށް ނިންމާނެކަމަށް އުއްމީދު ކުރާކަމަށެވެ.
ޖާގައިގެ ދަތިތަކާހެދި ފޯކައިދޫ ސްކޫލްގައި ކިޔަވައިދެނީ ދެ ދަންފަޅިއަށް ބަހާލައިގެންނެވެ. އެ ސްކޫލަކީ ގުރޭޑް 12 އާ ހަމައަށް ކިޔަވައިދޭ ސްކޫލެކެވެ.
ޑީވޯޓަރިންނާއި ފަޔަރ ހައިޑްރަންޓް ގާއިމުކޮށް ކުޅުދުއްފުށީ މަގުތަކުގައި ތާރު އަޅަން ފަށައިފި
އަފީފުއްދީން ސްކޫލުގެ ކެޑޭޓުން ހުވާކޮށް ހަތިޔާރު ހަވާލުކޮށްފި
ކުޅުދުއްފުށީގައި ނަރުދަމާއަށް ނަގަމުންދިޔަ ފިކްސްޑް ޗާޖް ކަނޑާލައިފި
އަނދިރި ސަރަހައްދުތަކާއި މަގުތަކުގައި ބައްތި ޖަހަން ހަވާލުކޮށްފި
