ކުޅުދުއްފުށީ ރީޖަނަލް ހޮސްޕިޓަލްގެ ފުރަތަމަ ބޯޑް ބައްދަލުވުން ބާއްވައިފި
ކުޅުދުއްފުށީ ރީޖަނަލް ހޮސްޕިޓަލްގެ ބޯޑްގެ ފުރަތަމަ ބައްދަލުވުން މިއަދު ބާއްވައިފި އެވެ. ވާރޗުއަލްކޮށް ބޭއްވި މި ބައްދަލުވުމުގައި 6 މެމްބަރުންވެސް ވަނީ ބައިވެރިވެވަޑައިގަންނަވާފަ އެވެ.
މި ބައްދަލުވުމުގައި ވާހަކަދައްކަވަމުން ބޯޑްގެ ޗެއާޕަރސަން އާމިނަތު ގާސިމް ވިދާޅުވީ، ބޯޑްގެ މެމްބަރުން ވާން ޖެހޭނީ ހޮސްޕިޓާ ތަރައްގީކުރުމަށް މަގުދައްކައި އެހީތެރިވާ ބޯޑެއްގެ ގޮތުގައި ކަމަށެވެ.
ބޯޑްގެ ކޮންމެ މެމްބަރަކީވެސް މުހިންމު ބޭފުޅެއްކަން ފާހަގަކުރައްވަމުން އޭނާ ވިދާޅުވީ، އެއް ޓީމެއްގެ ގޮތުގައި މަސައްކަތްކޮށް ނަތީޖާ ނެރެވޭ ބޯޑެއްގެ ގޮތުގައި ހުރިހާ މެމްބަރުން މަސައްކަތްކުރުމަށް އާމިނަތު ވަނީ ނަސޭހަތްތެރިވެފަ އެވެ.
އާމިނަތު ވިދާޅުވީ، ބޯޑުގެ ބައްދަލުވުން ބޭއްވުމުގައި ހޮސްޕިޓަލްގެ މެނޭޖަރު އަހުމަދު ދާއޫދުގެ ފަރާތުން ވަރަށް ބޮޑަށް އެހީތެރިކަމާއި އެއްބާރުލުން ލިބުނުކަން ފާހަގަކޮށް ޝުކުރުއަދާކުރި އެވެ.
މިބައްދަލުވުމުގައި މެމްބަރުން ތައާރަފްވުމާއި ބޯޑްގެ ބައްދަލުވުންތައް ކުރިއަށްގެންދާނެގޮތާ ބެހޭގޮތުން މަޝްވަރާކޮށްފައިވެ އެވެ.
އީދުގައި ކުޅުދުއްފުށީގައި ވަރުގަދަ ޝޯތަކެއް
ކުޅުދުއްފުށީގައި ހުރި ޒަމާންވީ ނިކަ ގަހާއި ކަނދުގަސްތަކެއް ހިމާޔާތްކޮށްފި
އާންމުގެ ތެރެއިން 6 މެންބަރުން ހިމަނައި ކުޅުދުއްފުށީ ޓުއަރިޒަމް ބޯޑް އެކުލަވާލައިފި
ފެނިގެންދަނީ ލާމަރުކަޒީ ނިޒާމު ފުންޑާލަން އުޅޭ މަންޒަރު
