ކޭއާރުއެޗަށް އިތުރު ސިޔާސީ މަގާމެއް

ކުޅުދުއްފުށީ ރީޖަނަލް ހޮސްޕިޓަލަށް ޕޮލިޓިކަލް ޑިރެކްޓަރެއް ހަމަޖައްސައިފި އެވެ. އެ ހޮސްޕިޓަލުގެ ޕޮލިޓިކަލް ޑިރެކްޓަރުގެ މަގާމަށް ހަމަޖެއްސެވީ، ސިފްނާ އަބުދުލްޢަނީ އެވެ.

ޕޮލިޓިކަލް ޑިރެކްޓަރުގެ މަގާމަށް ސިފްނާ ހަމަޖެއްސިކަން އިއުލާންކޮށް ކޭއާރުއެޗުން އޭނާއަށް ވަނީ މަރުހަބާ ކިޔައިފަ އެވެ.

ސިފްނާ މީގެ ކުރިން ފެނަކަގައި މަސައްކަތްކުރެއްވި އެވެ.

މިއަހަރުގެ މެއިމަހު ތެރޭގައި ކޭއާރުއެޗްގެ ސީނިއާ ޕޮލިޓިކަލް ޑިރެކްޓަރުގެ މަގާމަށް އަސްލަމް މުހައްމަދު ހަމަޖެއްސެވި އެވެ. އެހެންނަމަވެސް ފަހުން އޭނާ ވަނީ އެހެން އިދާރާއަކަށް ބަދަލުވެފަ އެވެ.