ރޯދަމަހު ވިޔަފާރި ރަޖިސްޓްރީކުރުމުގެ ހިދުމަތްތައް ދޭ ގަޑި އާންމުކޮށްފި

މި ރޯދަމަހު ވިޔަފާރި ރަޖިސްޓަރީކުރުމާ ގުޅޭ ހިދުމަތް ފޯރުކޮށްދިނުމަށް ހަމަޖެހިފައިވާ ގަޑި އިކޮނޮމިކް މިނިސްޓްރީން އާންމުކޮށްފި އެވެ. އެގޮތުން ސަރުކާރު ބަންދު ދުވަސްތައް ފިޔަވައި އެހެން ދުވަސްތަކުގައި ރަމަޟާން މަހާއި ޝައްވާލް މަހުގެ ފުރަތަމަ 7 ދުވަހު ފޯރުކޮށް ދިނުމަށް ހަމަޖެހިފައިވަނީ ހެނދުނު 9:00 އިން މެންދުރުފަހު 1:00 ށެވެ.

އެ މިނިސްޓްރީން ބުނީ އޮންލައިން ވިޔަފާރި ޕޯޓަލް މެދުވެރިކޮށް ހިދުމަތަށް https://business.egov.mv މި ލިންކު މެދުވެރިކޮށް އެދެވޭނެ ކަމަށާއި މިނިސްޓްރީއަށް ލިޔެކިޔުމުގެ އަސްލު ހުށަހަޅަންޖެހޭ ހިދުމަތްތަކަށް އެޕޮއިންޓްމަންޓް އުސޫލުން ހިދުމަތް ފޯރުކޮށްދެމުން ދާނެ ކަމަށެވެ.

މީގެ އިތުރުން ވިޔަފާރި ރަޖިސްޓަރީކުރުމާގުޅޭ ހިދުމަތްތަކާ ބެހޭ މައުލޫމާތު ހުކުރު އަދި ހޮނިހިރު ދުވަސް ފިޔަވައި ކޮންމެ ދުވަހެއްގެ ހެނދުނު 09:30 ން މެންދުރުފަހު 02:00 ށް މިނިސްޓްރީގެ ލައިވް ޗެޓް އަދި ކޯލްސެންޓަރ 1691 މެދުވެރިކޮށް ފޯރުކޮށްދޭނެ ކަމަށެވެ.

ރަމަޟާން މަހުން ފެށިގެން ޝައްވާލްމަހުގެ ފުރަތަމަ 7 ދުވަހު މުދާ ވިއްކާ ތަންތަން ހުޅުވާފައި ބެހެއްޓޭނެ ގަޑިއަކީ ހެނދުނު 8:00 ން މެންދަމު 12:00 ށް ކަމަށް އިކޮނޮމިކް މިނިސްޓްރީން ވަނީ ކަނޑައަޅާފައެވެ.