މާލެ ސަރަހައްދުގައި މިރޭ 9 ން ފެށިގެން ފަތިހު 4 ކަށް ކާފިއު އިއުލާންކޮށްފި އެވެ. އެޗްޕީއޭއިން ބުނީ ކޮވިޑް19ގެ ކޭސްތައް އިތުރުވުން ކޮންޓްރޯލް ކުރުމަށްޓަކައި މާލެ، ހުޅުމާލެ އަދި ވިލިމާލޭގައި ރޭގަނޑު 9:00އިން ފަތިހު 4:00އަށް ކާފިއު ހިންގަން ނިންމާފައިވާ ކަމަށެވެ.
ކާފިއު ހިންގާ ވަގުތުތަކުގައި ހިނގާބިނގާވެ އުޅުމާއި ދުއްވާ އެއްޗެހި ދުއްވުމަކީ މަނާކަމެކެވެ..
މާލެ ސަރަހައްދުގެ އިތުރުން އަތޮޅުތެރޭގައިވެސް ކޮވިޑް ފެތުރިފައިވާއިރު އިއްޔެ އެކަނިވެސް މާލެއިން 540 މީހުން ވަނީ ކޮވިޑަށް ޕޮޒިޓިވްވެފައެވެ. މީގެ އިތުރުން އަތޮޅުތަކުން 186 މީހުންނާއި ހިންގަމުންދާ ރިސޯޓުތަކުން ހަތް މީހުންނާއި ސިނާއީ ރަށްރަށުން އެކަކު ވަނީ އިއްޔެ ޕޮޒިޓިވްވެފައެވެ.
މިއާއެކު ރާއްޖެއިން މިހާތަނަށް ޕޮޒިޓިވްވި މީހުންގެ ޖުމުލަ އަދަދު 32،665 އަށް ވަނީ އަރާފަ އެވެ.
އެޗްޕީއޭއިން ބުނީ ކާފިއު ހިންގާވަގުތު ޒަރޫރީ ބޭނުމަށާއި ޑެލިވަރީގެ ހިދުމަތްތަކަށް މީގެ ކުރިން ވެސް ދޫކުރި ފަދައިން ފުލުހުން ހުއްދަ ދޫކުރަމުން ގެންދާނެ ކަމަށެވެ.
މިހާރު އެކްޓިވް ކޭސްތަކުގެ އަދަދު 7،109 އަށް ވަނީ އަރާފަ އެވެ. އަދި އޭގެ ތެރެއިން 198 މީހުންނަށް ފަރުވާ ދެމުންދަނީ ހޮސްޕިޓަލްތަކުގައި އެޑްމިޓްކޮށްގެންނެވެ.
ޑީންސް އެވޯޑާއި ޓޮޕް އެޗީވާރސް އެވޯޑް ހާސިލު ކުރި ދަރިވަރުންގެ އަދަދު އިތުރުވެއްޖެ
ކައުންސިލްގެ ހައުސިންގ މަޝްރޫއު އިއުލާނު ނުކުރެވިވަނީ ފިނޭންސުން 'ޔެސް' ނުބުނެގެން
ކުޅުދުއްފުށީ އެއާޕޯޓް ފެންސުގެ ހާލަތު ދެރަ، މުބީން ވިދާޅުވީ އަވަސް ހައްލެއް ލިބޭނެކަމަށް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
