18 އަހަރާ 49 އަހަރާއި ދެމެދުގެ މީހުންނަށް ބަލިޖެހުނު ނިސްބަތް 50 ޕަސެންޓަށްވުރެ މަތި

މިއަހަރުގެ މިހާތަށް ކޮވިޑަށް ޕޮޒިޓިވްވި ހުރިހާ މީހުންގެ ތެރެއިން 50 ޕަސެންޓަށް ވުރެ ގިނަ މީހުންނަކީ 18 އަހަރާއި 49 އަހަރާ ދެމެދުގެ މީހުންކަމަށް އެޗްޕީއޭއިން ބުނެފިއެވެ.

އެޗްޕީއޭއިން ބުނީ އެ އުމުރުފުރާގެ 40 ޕަސެންޓް މީހުންނަކީ ވެކްސިން ނުޖަހަ ތިބި މީހުންކަމަށެވެ.

މި ވަގުތުވެސް އައިސީޔޫގައި ފަރުވާ ދެމުންދާ މީހުންގެ ތެރެއިން 30 އިންސައްތަ މީހުންނަކީ މި އުމުރުގެ މީހުންނެވެ.

Since January 2021, the highest number of positive cases were recorded between the ages of 18 and 49.

About 40% of this age group is unvaccinated.

Please get vaccinated! pic.twitter.com/9Z1aeh45pS

— Health Protection Agency (@HPA_MV) May 26, 2021

ކޮވިޑްގެ އާ ރާޅާއެކު ޒުވާނުންނަށް ކޮވިޑް ޖެހޭ ނިސްބަތް އިތުރުވެފައިވާއިރު ހައި ރިސްކު މީހުންގެ އިތުރުން ޒުވާނުންނަށްވެސް ކޮވިޑްހެ ނުރައްކާ ބޮޑުކަން އެ އެޖެންސީން ވަނީ ހަނދާން ކޮށްދީފަ އެވެ. އަދި ވެކްސިން ޖެހުމަށް ވަނީ އިރުޝާދު ދީފައެވެ.

މިވަގުތު ކޮވިޑް އެކްޓިވް ކޭސްތަކުގެ އަދަދު 24،864 އަރާފައިވާއިރު އެޑްމިޓްކޮށްގެން 285 މީހަކަށް ދަނީ ފަރުވާދެމުންނެވެ.