ކޮވިޑް-19 އަށް ފަރުވާ ހޯދަމުން ދިޔަ މީހަކު ނިޔާވެއްޖެ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފި އެވެ.
އެޗްޕީއޭ އިން ބުނީ، ހުޅުމާލޭގެ މެޑިކަލް ފެސިލިޓީގައި ފަރުވާދެމުން އައި އުމުރުން 48 އަހަރުގެ ދިވެހި ފިރިހެނަކު ރޭ 02:33 ގައި މަރުވެފައިވާ ކަމަށެވެ. މިޔާއެކު ރާއްޖެ އިން ކޮވިޑްގައި މަރުވި މީހުންގެ އަދަދު 210 އަށް މިހާރު އަރާފައިވާ ކަމަށެވެ.
Today at 02:33 am (29/06/21) a 48-year-old Maldivian male admitted at HMF has passed away.
— Health Protection Agency (@HPA_MV) June 29, 2021
This is the 210th COVID-19 death in the Maldives.
Our thoughts and prayers are with the bereaved family. May Allah grant his soul eternal peace in heaven.
އެޗްޕީއޭގެ ތަފާސްހިސާބުތަކުން ދައްކާ ގޮތުން ކޮވިޑްގައި އެންމެ ފަހުން މީހަކު މަރުވީ މިދިޔަ ހުކުރު ދުވަހު އެވެ. އެ ބަލީގައި އެ ދުވަހު މަރުވީ އުމުރުން 51 އަހަރުގެ ބަންގްލަދޭޝްގެ މީހެކެވެ. ހއ. އަތޮޅު ހޮސްޕިޓަލުގައި ފަރުވާ ދެމުންދަނިކޮށް މަރުވި އެ މީހާއާ އެކު މި މަހު މަރުވި މީހުންގެ އަދަދަކީ 49 އެވެ.
ކޮވިޑަށް ޕޮޒިޓިވްވާ މީހުންގެ އަދަދު މި ފަހަކަށް އައިސް މަދުވަމުންދާކަމަށް ހެލްތް ޕްރޮޓެކްޝަން އޭޖެންސީގެ ތަފާސްހިސާބުތަކުން ދައްކަ އެވެ.
