މިއަދުން ފެށިގެން އެޕޮއިންޓްމެންޓަކާއި ނުލައި އެސްޓްރާޒެނެކާ ވެކްސިން ޖެހޭނެ

މިއަދުން ފެށިގެން އެސްޓްރާޒެނެކާ ވެކްސިން އެޕޮއިންޓްމަންޓަކާނުލާ ޖެހޭނެކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.

އެޕޮއިންޓްމެންޓާއި ނުލައި ވެކްސިން ޖެހުނު ނަމަވެސް ފުރަތަމަ އިސްކަން ދޭނީ ކުރިން އެޕޮއިންޓްމެންޓް ހައްދާފައި ތިބި ފަރާތްތަކަށް ވެކްސިން ދިނުމަށްކަމަށްވެސް އެޗްޕީއޭއިން މައުލޫމާތު ދެއެވެ.

އެޗްޕީއޭއިން ބުނީ މާލެ ސަރަހައްދުގައި ވެކްސިން ޖެހުމުގެ ކަންކަން ކުރިއަށް ގެންދާ ހުރިހާ ސެންޓަރަކުންވެސް ވެސް މި ވެކްސިން ޖެހުމުގެ ފުރުސަތު ލިބިގެންދާނެކަމަށެވެ.

ރާއްޖޭގައި ކޮވިޑް ވެކްސިން ޖެހުމުގެ ކަންކަން ހަލުވިކަމާއެކު ކުރިޔަށް ދާއިރު މިހާރު ކުރިޔަށް މި ދަނީ ވެކްސިން ޖެހުމުގެ އެންމެ ފަހު ކެމްޕެއިނެވެ. މި މަސް ނިމުމުގެ ކުރިން ރާއްޖޭގެ ވެކްސިން ޖެހޭ އާބާދީގެ އެންމެންނަށް ވެކްސިން ދީ ނިންމުމަށް ސަރުކާރުން ވަނީ އަމާޒު ހިފާފައެވެ.

ހަމައެއާއެކު 12 އަހަރާއި 17 އަހަރާ ދެމެދުގެ ކުދިންނަށް ފައިޒާ ވެކްސިން ދިނުމުގެ ހުއްދަވެސް މިހާރު ވަނީ ދީފައެވެ. އެގޮތުން މި އުމުރުފުރައިގެ ކުދިންނަށްވެސް މި މަސްތެރޭ ވެކްސިން ދިނުމުގެ ކަންކަން ފަށާނެކަމަށް އެޗްއީއޯސީ އިން ވަނީ ބުނެފައެވެ. އަދި މި ހަފްތާ ތެރޭ ސްކޫލް ދަރިވަރުންނަށްވެސް ވެކްސިން ދިނުމުގެ ކެމްޕެއިންވެސް ފެށުމަށް ވަނީ ހަމަޖެހިފައެވެ.