ދުވަސްވީ މީހުންނާއި ދިފާއީ ނިޒާމު ބަލިކަށި މީހުންނަށް ވެކްސިންގެ ހަތަރު ވަނަ ޑޯޒެއް

އުމުރުން ދުވަސްވީ މީހުންނާއި ދިފާއީ ނިޒާމު ބަލިކަށި މީހުންނަށް ކޮވިޑް ވެކްސިންގެ ހަތަރު ވަނަ ޑޯޒެއް ޖަހަން ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ނިންމައިފިއެވެ.

އެޗްޕީއޭއިން ބުނެފައިވާ ގޮތުގައި، އުމުރުން 65 އަހަރުން މަތީގެ މީހުންނާއި ދިފާއީ ނިޒާމު ބަލިކަށި މީހުންނަށް ހަތަރުވަނަ ޑޯޒެއް ޖަހާނީ، ތިންވަނަ ޑޯޒް ޖެހި ފަހުން ހަތަރު މަސް ވުމުންނެވެ.

އުމުރުން 18 އަހަރާއި 64 އަހަރާ ދެމެދުގެ މީހުންގެ ތެރެއިން ދިފާއީ ނިޒާމު ބަލިކަށި ކަމަށް ބަލާ މީހުންގެ ތެރޭގައި، ހަށިގަނޑުގެ ގުނަވަނެއް ބަދަލުކޮށްފައިވާ މީހުންނާއި ހަށިގަނޑުގެ ދިފާއީ ބަރު ދެރަކުރާފަދަ ބޭސް ކާމީހުންނާއި ދިގު މުއްދަތަކަށް ސްޓެރޮއިޑްގެ ބާވަތްތައް ބޭނުންކުރާ މީހުން (ދުވާލަކަށް 10 މިލިގްރާމަށްވުރެ މަތީ ޑޯޒެއް މަހަކަށްވުރެ ގިނައިން ބޭނުންކުރާ މީހުން) ހިމެނެއެވެ.

އަދި މީގެ ތެރޭގައި ޑައިލިސިސް ހަދަމުންދާ މީހުންނާއި ކެންސަރަށް ފަރުވާ ކުރަމުންދާ ނުވަތަ ފަރުވާއަށް އަހަރެއް ނުވާ މީހުންވެސް ހިމެނެއެވެ.

ބަލި ޖެހުމުން ނުރައްކާ ވެދާނެ ކަަަމަށް އެޗްޕީއޭއިން ކަނޑައަޅާފައިވާ ކެޓަގަރީތަކަކީ:-

ކޮވިޑް-19 ވެކްސިންގެ ހަތަރުވަނަ ޑޯޒްއަކީ ދެވަނަ ބޫސްޓާ ޑޯޒްއެވެ. މީގެ ކުރިން ރާއްޖޭގައި ޖަހާފައި ވަނީ ކޮވިޑް ވެކްސިންގެ ތިން ޑޯޒްއެވެ.

އެޗްޕީއޭއިން ބުނެފައި ވަނީ، އެ މީހުންނަށް މިއަދުން ފެށިގެން ފައިޒާ ވެކްސިން ޖަހައިދޭނެ ކަމަށެވެ.