އެމެރިކާއިން ރާއްޖެ އަށް އިތުރު 100،620 ކޮވިޑް ވެކްސިން ހަދިޔާކޮށްފިއެވެ.
މިފަހަރު ވެސް ވެކްސިން ހަދިޔާކުރީ ކޮވިޑުން ރައްކާތެރިވުމަށް ޖަހާ ވެކްސިން މުޅި ދުނިޔެއަށް ފޯރުކޮށްދިނުމަށް އދ. އިން ގާއިމްކޮށްފައިވާ 'ކޮވެކްސް' ފެސިލިޓީ މެދުވެރިކޮށެވެ.
މިއާއެކު މިހާތަނަށް އެ ގައުމުން ރާއްޖެއަށް ހަދިޔާކުރި ވެކްސިންގެ އަދަދު 439،920 އަށް މިވަނީ އަރާފައެވެ.
ދުނިޔޭގެ އެކި ގައުމުތަކަށް އެމެރިކާއިން 1.2 ބިލިއަނަށްވުރެ ގިނަ ވެކްސިން ދިނުމަށް ވައުދުވެފައިވެއެވެ. މިދިޔަ އޭޕްރީލް މަހުގެ ނިޔަލަށް އެގައުމުން ވަނީ 115 ގައުމަކަށް 533 މިލިއަނަށްވުރެ ގިނަ ވެކްސިން ފޯރުކޮށްދީފައެވެ.
ރާއްޖެއަށް އެމެރިކާއިން ކަނޑައަޅާފައިވާ މިޝަންގެ ޗާޖް ޑި އެފެއާޒް އެންޑްރިއާ އެޕެލް ވިދާޅުވީ އެމެރިކާ އިން ދަނީ އެ ގައުމުގެ ސައިންސްވެރިންނާއި އުފެއްދުންތެރިކަމުގެ ފަންނުވެެރިންގެ އެހީގައި ދުނިޔެއަށް ވެކްސިން ދިނުމަށް އެހީތެރިވަމުން ކަމަށެވެ.
އެޗްޕީއޭ އިން މިދިޔަ ބުރާސްފަތި ދުވަހު އާންމު ކުރި ތަފާސް ހިސާބުތައް ދައްކާގޮތުން 398،682 މީހުން މިހާތަނަށް ވަނީ ރާއްޖޭގައި ކޮވިޑް ވެކްސިންގެ ފުރަތަމަ ޑޯޒް ޖަހާފައެވެ. އެއީ ވެކްސިން ޖެހޭ އާބާދީގެ 88.05 ޕަސެންޓެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
