ކޮވިޑް-19 އިން ދިފާއުވުމަށް ސަރުކާރުން ޖަހަމުންގެންދާ ކޮވިޑް ވެކްސިންގެ އެއްވެސް ޑޯޒެއް ނުޖަހާ 30000 މީހުން އެބަތިބިކަމަށް ސަރުކާރުން ބުނެފި އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އެންމެ ފަހުން އާންމުކުރި ތަފާސް ހިސާބުތަކަށް ބަލާލާއިރު ވޭތުވެދިޔަ 48 ގަޑިއިރާ ހަމައަށް ރާއްޖެއިން ކޮވިޑް ވެކްސިންގެ ފުރަތަމަ ޑޯޒް 383،620 މީހުން ފުރިހަމަކޮށްފައިވާއިރު ދެވަނަ ޑޯޒު ފުރިހަމަކުރި މީހުންގެ އަދަދަކީ 302،182 އެވެ.
ރައީސް އޮފީހުގައި އިއްޔެ ބޭއްވި ނޫސް ކޮންފަރެންސްގައި ވާހަކަދައްކަމުން ރައީސް އޮފީހުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ 18 އަހަރުން މަތީގެ އާބާދީގެ ތެރެއިން 85 ޕަސެންޓް މީހުން ވެކްސިންގެ ފުރަތަމަ ޑޯޒް ޖަހާފަ އެވެ.
މަބްރޫކް ވިދާޅުވީ 12 އަހަރާއި 17 އަހަރާއި ދެމެދުގެ ކުދިންގެ ތެރެއިން 84 ޕަސެންޓް ކުދިންވެސް ވެކްސިންގެ ފުރަތަމަ ޑޯޒް ފުރިހަމަ ކޮށްފައިވާ ކަަމަށެވެ.
ގިނައިން ވެކްސިން ނުޖެހި ތިބީވެސް ރާއްޖޭން ބޭރުގައި ދިރިއުޅޭ މީހުން ކަމަށްވެސް އޭނާ ވިދާޅުވެފައިވެ އެވެ.
ވެކްސިން ނުޖެހި ތިބި މީހުންގެ ތެރޭގައި އުނދަގުލުން ރީޗް ވާން ޖެހޭ މީހުން ވަރަށް ގިނަ ކަމަށާއި އެހެންކަމުން އެފަދަ ބޭފުޅުން ހޯދާ އެބޭފުޅުންގެ ކައިރިއަށް ދިއުމުގެ މަސައްކަތް ކުރަމުންގެންދާކަމަށް މަބްރޫކް ވިދާޅުވި އެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
