ކޮވިޑް ވެކްސިން ފުރިހަމަކުރި މީހުންގެ އަދަދު 303،485އަށް އަރައިފި

ކޮވިޑް-19ން ދިފާއުވުމަށް ޖަހާ ކޮވިޑް ވެކްސިންގެ ފުރިހަމަކުރި މީހުންގެ އަދަދު 303،485އަށް އަރައިފިއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެ ފަހުން އާންމުކޮށްފައިވާ ތަފާސްހިސާބުތަކަށް ބުނާގޮތުން އިއްޔެ ކޮވިޑް ވެކްސިންގެ ފުރަތަމަ ޑޯޒް 171 މީހުން ވަނީ ޖަހާފައެވެ.

COVID-19 : Vaccination Updates

03.09.2021

Number of people who have received the first dose -
Greater Malé Area: 0
Atolls: 171

Number of people who have received the second dose -
Greater Malé Area: 0
Atolls: 55 pic.twitter.com/z8MkFGXF35

— Health Protection Agency (@HPA_MV) September 4, 2021

އިއްޔެ ދެ ވަނަ ޑޯޒް ޖަހާފައިވަނީ 55 މީހުންނެވެ. މިއާއެކު ރާއްޖޭގައި ކޮވިޑް ވެކްސިންގެ ދެ ޑޯޒް ޖެހި މީހުންގެ އަދަދު ވަނީ 303،485އަށް އަރާފައެވެ. ފުރަތަމަ ޑޯޒް މިހާތަނަށް ފުރިހަމަކޮށްފައިވަނީ 385،554 މީހުންނެވެ.

މިދިޔަ މަސް ނިމުމުގެ ކުރިން ރާއްޖޭގެ އާބާދީގެ 90 އިންސައްތަ މީހުންނަށް ވެކްސިން ޖެހުމަކީ ސަރުކާރުގެ އަމާޒެކެވެ. މި އަމާޒަށް ވަސިލުވުމަށް ކެމްޕޭނެއް ވެސް ކުރިއަށް ގެންގޮސްފައި ވެއެވެ. އެހެންނަމަވެސް އޮގަސްޓު މަސް ނިމުނުއިރު ވެކްސިން ޖެހުނީ އާބާދީގެ 85 އިންސައްތަ މީހުންނަށް ކަމަށް ސަރުކާރުން ވަނީ ބުނެފައެވެ.

ވެކްސިން ފުރިހަމަނުކުރާ މީހުންނާމެދު ފިޔަވަޅު އަޅަން ސަރުކާރުން ނިންމާފައިވާއިރު، މި މަހުން ފެށިގެން ވަނީ ވެކްސިން ނުޖަހާ މީހުންނަށް އެތެރޭގެ އުދުހުންތަކުން ދަތުރުނުކުރެވޭގޮތަށް ނިންމާފައެވެ.

ރާއްޖެއިން މިއަދުވެސް ކޮވިޑް-19އަށް އިތުރު 157 މީހަކު ޕޮޒިޓިވްވެ، މިބައްޔަށް ފަރުވާ ހޮދަމުންދާ މީހުންގެ އަދަދު 2002 އަށް އަރައިފި އެވެ.

✳️ COVID-19 : Case Updates pic.twitter.com/V27j0fg360

— Health Protection Agency (@HPA_MV) September 4, 2021

އެޗްޕީއޭއިން އާއްމުކޮށްފައިވާ އެންމެ ފަހުގެ ތަފާސްހިސާބުތައް ދައްކާގޮތުން ވޭތުވެދިޔަ 24 ގަޑިއިރުގެ ތެރޭގައި 157 މީހަކުވަނީ ކޮވިޑަށް ޕޮޒިޓިވްވެފައެވެ. މީގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވީ 45 މީހަކާއި އަތޮޅުތެރޭގެ ރަށްރަށުން ޕޮޒިޓިވްވި 106 މީހަކާއި ރިސޯޓުތަކުން ޕޮޒިޓިވްވީ 6 މީހެކެވެ.

މިބަލީގައި މިހާތަށް 226 މީހަކުވަނީ ރާއްޖެއިން މަރުވެފަ އެވެ.