ކޮވިޑް ވެކްސިން ފުރިހަމަކުރި މީހުންގެ އަދަދު 335،293 އަށް އަރައިފި

ކޮވިޑް-19 އިން ރައްކާތެރިވުމަށް ޖަހާ ކޮވިޑް ވެކްސިން ފުރިހަމަކުރި މީހުންގެ ޖުމްލަ 335،293 އަށް އަރައިފި ކަމަށް ހެލްތް ފްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.

އެޗްޕީއޭއިން އާންމުކޮށްފައިވާ މައުލޫމާތުގައިވާގޮތުން މިދިޔަ ހުކުރު ދުވަހު ވެކްސިންގެ ފުރަތަމަ ޑޯޒް ޖަހާފައިވަނީ 40 މީހެކެވެ. އަދި ދެވަނަ ޑޯޒް ޖަހާފައިވަނީ 94 މީހެކެވެ. ހުކުރު ދުވަހު ވެކްސިން ޖަހާފައިވަނީ ހަމައެކަނި އަތޮޅުތެރޭގައެވެ.

މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު 391،582 އަށް ވަނީ އަރާފައެވެ. ވެކްސިންގެ ދެވަނަ ޑޯޒް ޖަހާފައިވަނީ 335،293 މީހުން ކަމަށް އެޗްޕީއޭއިން ހާމަކޮށްފައިވެއެވެ.

COVID-19 : Vaccination Updates

24.09.2021

Number of people who have received the first dose -
Greater Malé Area: 0
Atolls: 40

Number of people who have received the second dose -
Greater Malé Area: 0
Atolls: 94 pic.twitter.com/qUy7SUVUmx

— Health Protection Agency (@HPA_MV) September 25, 2021

ރާއްޖޭގެ އާބާދީގެ ބޮޑުބައެއް އަދިވެސް ވެކްސިން ނުޖަހާ ތިބިކަމަށް އެޗްޕީއޭއިން ބުނެފައިވެއެވެ. އެގޮތުން މިހާތަނަށް ވެކްސިން ނުޖަހާ ތިބި މީހުން ދެނެގަތުމުގެ މަސައްކަތް ފަށަން ސަރުކާރުން ވަނީ ނިންމާފައެވެ.

ސަރުކާރުން މިހާރު ވަނީ ދުނިޔެ ބަލައިގަންނާނެ ގޮތަށް ކޮވިޑް-19 ވެކްސިންގެ ޑިޖިޓަލް ވެކްސިން ޕާސްޕޯޓު ތައާރަފުކޮށްފައެވެ. މިނިސްޓްރީ އޮފް ހެލްތުގެ ރަސްމީ ކޮވިޑް-19 ޑިޖިޓަލް ވެކްސިން ޕާސްޕޯޓަކީ ރާއްޖޭގެ ކޮވިޑްސޭފް ޕޯޓަލްއެވެ.