އޭޝިއާ މުބާރާތުގައި ދީމާ އާއި ރަފާގެ ޕެއާއިން ލަންކާގެ އެއްވަނަ ޕެއާ ބަލިކޮށްފި

ގަތަރުގެ ދޯހާގައި މިހާރު ކުރިއަށްދާ އޭޝިއަން ޓޭބަލް ޓެނިސް ޗެމްޕިއަންޝިޕްގައި ރާއްޖޭގެ ފާތިމަތު ދީމާ އަލީ އާއި އައިޝަތު ރަފާ ނާޒިމްގެ ޕެއާ އިން ސަރަހައްދުގެ ގަދަބާރެއް ކަމަށްވާ ސްރީ ލަންކާގެ އެއް ވަނަ ޕެއާ ބަލިކޮށްފި އެވެ.

ރަފާ އާއި ދީމާގެ ޕެއާ މިމެޗުން މޮޅުވީ ސީދާ ތިން ސެޓުންނެވެ. ސެޓުތައް ދިޔައީ 11 - 08 11 - 06 އަދި 12 - 10 ންނެވެ.

ލަންކާގެ ވަރުގަދަ ޕެއާ ބަލިކޮށް ދެ ވަނަ ބުރަށް ދަތުރުކުރި ނަމަވެސް ދެ ވަނަ ބުރުގައި ހޮން ކޮންގްހެ ޒީހޫ އަދި އެންގެ ޕެއާ އަތުން ތިން ސެޓުން ރަފާ އާއި ދީމާ ވަނީ ބަލިވެފަ އެވެ.

މިއީ 2019 ވަނަ އަހަރުގެ ސައުތް އޭޝިއަން ގޭމްސްއަށް ފަހު ކޮވިޑްގެ ސަބަބުން އައި ހުއްޓުމަށް ފަހު ބައިނަލްއަގުވާމީ މުބާރާތެއްގައި ގައުމީ ޓީޓީ ޓީމު ވާދަކުރާ ފުރަތަމަ ފަހަރެވެ.