ވޯލްޑް ޖޫނިއާ ޗެމްޕިއަންޝިޕަށް ކޮލިފައިވެ ދީމާއަށް ހާއްސަ ޝަރަފެއް

ވޯލްޑް ޓޭބަލް ޓެނިސް ޖޫނިއާ ޗެމްޕިއަންޝިޕަށް ކޮލިފައިވެ ރާއްޖޭގެ އަންހެން ޓޭބަލް ޓެނިސް ކުޅުންތެރިޔާ ފާތިމަތު ދީމާ އަލީ ތާރީހުގެ ތެރެއިން ޖާގައެއް ހޯދާ އޭނާގެ ނަން ރަން އަކުރުން ފަވާލައިފި އެވެ.

މިއާއެކު ވޯލްޑް ޓޭބަލް ޓެނިސް ޖޫނިއާ ޗެމްޕިއަންޝިޕެއްގައި ފުރަތަމަ ފަހަރަށް ރާއްޖެ ތަމްސީލު ކުރުމުގެ ޝަރަފް ދީމާ ވަނީ ހޯދާފަ އެވެ. މިމުބާރާތް ކުރިއަށްދާނީ ޑިސެމްބަރު 2 - 8 އަށް ޕޯޗްގަލްގެ ވިލަ ނޮވާ ޑިގާޔާގައި އެވެ. ވޯލްޑް ޖޫނިއާ ޗެމްޕިއަންޝިޕަށް ދީމާ ކޮލިފައިވީ ވޯލްޑް ރޭންކިންގައި އޭނާ އޮތް މަގާމުގެ ސަބަބުންނެވެ.

Congratulations to our young champ Fathimath Dheema for making history by becoming the first Maldivian table tennis player to qualify for the World Junior Championships! My best wishes for a remarkable performance. I have no doubt she will do the country proud. pic.twitter.com/ipJPaB7n3K

— Ibrahim Mohamed Solih (@ibusolih) October 16, 2021

ދީމާ އަކީ 15 އަހަރުން ދަށުގެ ދުނިޔޭގެ ރޭންކިންގެ 20 ވަނަ އެވެ. ވޯލްޑް ޖޫނިއާ ޗެމްޕިއަންޝިޕަށް ދީމާ ކޮލިފައިވުމުން އެކަމަށް މަރުހަބާ ދަންނަވާ ރައީސް އިބްރާހިމް މުހައްމަދު ސޯލިހު ވަނީ ޓްވީޓެއް ކުރައްވާފަ އެވެ.

މީގެ އިތުރުން ދީމާ ވަނީ ދާދިފަހުން އޮމާންގެ މަސްކަޓްގައި ކުރިއަށް ދިޔަ ވޯލްޑް ކޮންޓެންޑާ މުބާރާތުގެ 15 އަހަރުން ދަށުގެ ކެޓެގެރީގައި ވާދަކޮށް ކުއާޓާ ފައިނަލަށް ދަތުރުކޮށްފަ އެވެ.