ވައިމަޑުވުމުގެ ސަބަބުން ކައިޓް ސާފިން ލައިޓް ޝޯ ފަސްކޮށްފި

މިއަހަރުގެ ޒުވާނުންގެ ދުވަސް ގައުމީ ފެންވަރުގައި ކުޅުދުއްފުށި ސިޓީގައި ފާހަގަކުރަން ހަމަޖެހިފައިވާއިރު ސިޓީ ކައުންސިލާއި ޔޫތް މިނިސްޓްރީ ގުޅިގެން ގިނަ ހަރަކާތްތަކެއް ހިންގަމުން އަންނައިރު މިރޭ ބާއްވަން ހަމަޖެހިފައިވާ ކައިޓް ސާފިން ލައިޓް ޝޯ ފަސްކޮށްފި އެވެ.

އެގޮތުން މިރޭ (21 އޮކްޓޫބަރު) ގައި ބޭއްވުމަށް ހަމަޖެހިފައި އޮތް ކައިޓް ސާފިން ލައިޓް ޝޯ މިވަނީ ފަސްކޮށްފަ އެވެ. ކުޅުދުއްފުށި ސިޓީ ކައުންސިލްގެ ޑެޕިއުޓީ މޭޔަރު އަލީ އަހްމަދު ކޭއޯއަށް ވިދާޅުވީ ލައިޓް ޝޯ ފަސްކުރެވުނީ ކައިޓް އެރުވޭވަރަށް ވުރެން ވައިމަޑުވުމުގެ ސަބަބުންނެވެ.

ކައިޓް އެރުވޭވަރަށް ވައިޖެހޭނަމަ 23 ވަނަ ދުވަހުގެ ރޭ އޮތް ޔޫތް މިއުޒިކް ފެސްޓިވަލާއެކު ބީޗް ސަރަހައްދުގައި މިއިވެންޓް ކުރިއަށް ގެންދިއުމަށް ރާވަމުން އަންނަކަމަށް ޑެޕިއުޓީ ވަނީ ވިދާޅުވެފަ އެވެ.