މޮނީޓަރިންގައި މި ވަގުތު އޮތީ 6 ރަށެއް: އެޗްޕީއޭ

ކޮވިޑް ކޭސްތަކާއި ގުޅިގެން މި ވަގުތު ބަންދުގައި އޮތީ 6 ރަށެއްކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނެފި އެވެ.

މި ވަގުތު މޮނީޓަރިންގައި އޮތީ ގދ. ވާދޫ އާއި ކ. ތުލުސްދޫ އާއި ހދ. ނާވައިދޫ އާއި ދ. ހުޅުދެލީގެ އިތުރުން ކ. މާފުށި އަދި ހއ. އިހަވަންދޫ އެވެ.

މި ރަށްތަކުގެ ތެރެއިން އެންމެ ގިނަ ދުވަހު މޮނިޓަރިންގައި އޮތީ ވާދޫ އެވެ. އެ ރަށް މޮނިޓަރިންއަށް ގެނެސްފައިވަނީ މިދިޔަ ޑިސެންބަރު 14 ގައެވެ. އާ އަހަރު ފެށުނު އިރު މޮނިޓަރިންގައި 12 ރަށެއް އޮތެވެ.

މޮނިޓަރިންގައިވާ ރަށްތަކުގެ އަދަދު މަދުވީ ނަމަވެސް ރާއްޖޭގައި ކޮވިޑް ޖެހޭ މީހުންގެ އަދަދު ދަނީ އިތުރުވަމުންނެވެ.