ކޮވިޑްގައި މިމަހުގެ 8 ވަނަ މަރު، ޖުމްލަ އަދަދު 272 އަށް

ކޮވިޑް ޖެހިގެން ފަރުވާ ދެމުން ދިޔަ އިތުރު މީހަކު މަރުވެ ރާއްޖޭން މި ބަލީގައި މަރުވި މީހުންގެ އަދަދު 272 އަރައިފި އެވެ.

ކޮވިޑްގައި އިތުރު މީހަކު މަރުވެފައިވާއިރު މިއީ މިމަހު މި ބަލީގައި މަރުވި 8 ވަނަ މީހާއެވެ. އެޗްޕީއޭން މިއަދު ބުނީ ރޭ 12:24 ހާއިރު މަރުވެފައިވަނީ 50 އަހަރުގެ ދިވެހި އަންހެނެއް ކަމަށެވެ. އެއީ ދަނގެތި ސިއްހީ މަރުކަޒުން ފަރުވާ ދެމުން ދަނިކޮށް މަރުވި މީހެކެވެ.

ކޮވިޑްގެ އާ ރާޅަކާއެކު ރާއްޖޭން ކޮވިޑަށް ޕޮޒިޓިވްވާ މީހުން ބޮޑުތަނުން ވަނީ އިތުރުވާން ފަށައިފައެވެ. އަދި ކައިރިކައިރީގައި މީހުން ދަނީ އެ ބަލީގައި މަރުވަމުންނެވެ.

Last night (26/01/22) at 12:24 am a 50-year-old Maldivian female admitted at A.Dh Dhangethi HC has passed away

This is the 272nd COVID-19 death in the Maldives

Our thoughts and prayers are with the bereaved family. May Allah grant her soul eternal peace in heaven

— Health Protection Agency (@HPA_MV) January 26, 2022

ރާއްޖެއިން އިއްޔެ 2,609 މީހަކު ކޮވިޑަށް ޕޮޒިޓިވްވެފައިވާ އިރު އެޗްޕީއޭއިން ރޭ ބުނި ގޮތުގައި ކޮވިޑް ބަލި ޖެހުނު މީހުންގެ ތެރެއިން 1،427 މީހުންނަކީ މާލޭ ސަރަހައްދުން ބަލި ޖެހުނު މީހުނެވެ. މިއަދު ޕޮޒިޓިވް މީހުންގެ ތެރެއިން 783 މީހުން ޕޮޒިޓިވްވީ އަތޮޅުތަކުގެ ތެރެއިންނެވެ.

ރިސޯޓްތަކުން 109 މީހަކު ޕޮޒިޓިވްވެފައި ވެއެެވެ. ޓެސްޓްކޮށްފައިވަނީ 7،584 ސާމްޕަލް އެވެ. މާލެ ސަރަހައްދުން ޓެސްޓް ކޮށްފައިވަނީ 3،968 ސާމްޕަލެވެ. މާލެ ސަރަހައްދުގެ ޕޮޒިޓިވް ރޭޓް މިހާރު ހުރީ 36 ޕަސެންޓް ގައެވެ.