ގޯލްޑަން ފުޓްސަލް ޗެލެންޖުގެ ގަދަ 16 ގެ މެޗުތައް މާދަމާ ފަށަނީ

މިހާރު ކުރިއަށްދާ ގޯލްޑަން ފުޓްސަލް ޗެލެންޖުގެ އަތޮޅު އަދި ޒޯން ބުރު ނިންމާލުމަށްފަހު ގަދަ 16 ގެ މެޗުތައް މާދަމާ ރޭ ފެށުމަށް ތައްޔާރުވެއްޖެ އެވެ.

މިފަހަރުގެ މުބާރާތުގެ ގަދަ 16 ގައި ކުޅޭނީ ޖުމްލަ 8 މެޗެވެ. މާދަމާ ރޭ ކުޅޭ ފުރަތަމަ މެޗުގައި ނުކުންނާނީ ޒޯން ތިނެއްގެ ޗެމްޕިއަން ގާފަރާއި ގއ. ކޮނޑޭ އެވެ.

ގަދަ 16 ހުރިހާ މެޗެއްވެސް މާދަމާ ކުޅެން ހަމަޖެހިފައިވާއިރު މާދަމާގެ މެޗުތަކަށް ފަހު މުބާރާތުގެ ކުއާޓާ ފައިނަލުން ޖާގަ ހޯދާ ޓީމުތައް ޔަގީންވެގެންދާނެ އެވެ،

މާދަމާ ރޭ ކުޅެން ހަމަޖެހިފައިވާ މެޗުތައް:

ކ. ގާފަރު - ގއ. ކޮނޑޭ (21:15 - 20:15) (ގްރައުންޑް 1)

މާފަންނު - މ. ދިއްގަރު (21:15 - 20:15) (ގްރައުންޑް 2)

އދ. މާމިގިލި - ހުޅުމާލެ (22:15 - 21:15) (ގްރައުންޑް 1)

މާލެގަން - ށ. ކަނޑިތީމް (22:15 - 21:15) (ގްރައުންޑް 2)

ރ. ދުވާފަރު - ސ. ފޭދޫ (23:15 - 22:15) (ގްރައުންޑް 1)

ތ. ތިމަރަފުށި - އއ. މަތިވެރި (23:15 - 22:15) (ގްރައުންޑް 2)

ހއ. އިހަވަންދޫ - ދ. ކުޑަހުވަދޫ (00:15 - 23:15) (ގްރައުންޑް 1)

ގދ. ވާދޫ - ބ. އޭދަފުށި (00:15 - 23:15) (ގްރައުންޑް 2)

މިމުބާރާތުގެ ކުއާޓާ ފައިނަލުގެ ޖާގަ ހޯދާ ޓީމުތައް މާދަމާ ކުޅޭ މެޗުތަކަށް ފަހު ޔަގީންވެގެންދާއިރު ގޯލްޑަން ފުޓްސަލް ޗެލެންޖަކީ ރާއްޖޭގައި ބާއްވާ އެންމެ ބޮޑު އެއް ފުޓްސަލް މުބާރާތެވެ. މިއަހަރުގެ މުބާރާތުގައި މުޅި ޖުމްލަ 91 ޓީމަކުން ބައިވެރިވި އެވެ.