ކުޅުދުއްފުށީ ކުނިކޮށީގެ ވަށާފާރު ރޭނުމަށް 2.9 މިލިއަން ރުފިޔާއަށް ބަޔަކާ ހަވާލުކޮށްފި

ބޮއްސުންލާފައިވާ ކުޅުދުއްފުށީ ކުނިކޮށީގެ ވަށާފާރު ރޭނުމަށް ބަޔަކާ ހަވާލުކޮށްފި އެވެ. އެ މަސައްކަތް ހަވާލުކޮށްފައިވަނީ ޕްލަސް ބީ ނަމަކަށް ކިޔާ ކުންފުންޏަކާ އެވެ.

އެކަމަށްޓަކާ މިއަދު ސިޓީ ކައުންސިލުގައި ބޭއްވި ރަސްމިއްޔާތުގައި އެއްބަސްވުމުގައި ސޮއިކުރެއްވީ މޭޔަރު މުހައްމަދު އާތިފެވެ. ޕްލަސް ބީ ގެ ފަރާތުން ސޮއިކުރެވީ އާދަމް މުހަންމަދެވެ.

97 ދުވަސް ތެރޭގައި ނިންމާގޮތަށް ހަވާލުކުރެވުނު މި މަޝްރޫއުގެ ޖުމްލަ އަގަކީ 2،999،438 (ދެ މިލިޔަން ނުވަ ލައްކަ ނުވަދިހަ ނުވަ ހާސް ހަތަރު ސަތޭކަ ތިރީސް އަށް ރުފިޔާ) އެވެ.

މި މަޝްރޫއުގެ ތެރޭގައި ހިމެނެނީ ފާރުރާނާ ސިމެންތި ޖަހާ ކުލަލުން، ސެކިއުރިޓީ ހަޓް، ފާހާނާ، 2 ގޭޓް، ކެމެރާ ޕޯލް އަދި ލައިޓް ޕޯލްތައް ހެދުމާއި ލައިޓް ހަރުކޮށް ކަރަންޓް ވަޔަރު އެޅުމެވެ.