ކުޅުދުއްފުށި ސިޓީގައި މިހާތަނަށް ބާއްވާ އެންމެ ފެންވަރުގެ އަދި އެންމެ ޝަރަފުވެރި މުބާރާތް ކަމަށްވާ ކުޅުދުއްފުށި ޗެމްޕިއަންޝިޕް 2022 ގައި ބައިވެރިވުމުގެ ފުރުސަތު ސިޓީ ކައުންސިލުން ހުޅުވާލައިފި އެވެ. މިއަހަރު މުބާރާތް ސްޕޮންސަރކޮށްފައިވަނީ އެމްޓީސީސީންނެވެ. ކޯ ސްޕޮންސަރަކީ ފެނަކަ ކޯޕަރޭޝަން އެވެ.
ކުޅުދުއްފުށި ސިޓީ ކައުންސިލުން އިންތިޒާމުކޮށްގެން ބާއްވާ މިމުބާރާތުގެ މަގްސަދަކީ ކުޅުދުއްފުށީގައި ކޮންމެ އަހަރަކުވެސް ގަވައިދުން ކުރިޔަށްދާނެ، ފެންވަރު ރަނގަޅު ފުޓުބޯޅަ މުބާރާތެއް ބޭއްވުމުގެ އިތުރުން ކުޅުދުއްފުށިގެ ޒުވާނުންނަށާއި ފުޓްބޯޅަ ކުޅުމަށް ލޯބިކުރާ އެންމެހާ ފަރާތަތަކަށް މުބާރާތެއްގައި ވާދަކުރުމުގެ ފުރުސަތު ހޯދައިދިނުމެވެ.
އަދި ރަށުގެ ޒުވާނުންގެ ފުޓްބޯޅައިގެ ހުނަރު އިތުރުކޮށް، ގައުމީ ފެންވަރުގައި ފުޓްބޯޅަ ކުޅޭ ޒުވާނުން އުފެއްދުމާއި ފުޓްބޯޅައަކީ ދިވެހިރާއްޖޭގެ ގިނަބަޔަކު ލޯބިކުރާ ކުޅިވަރަކަށްވެފައި ކުޅުދުއްފުއްޓަކީ ގައުމުގެ ފުޓްބޯޅަ ކުރިއެރުވުމަށް އެހީތެރިވާ ރަށެއްކަމުގައި ހެދުމުގެ އިތުރުން ކުޅުދުއްފުށީގެ ފުޓްބޯޅަ މުޅިން އާ ހަރުފަތަކަށް ގެންދިއުމާއި ޒުވާނުން ކުށުގެ ވެށިން ދުރުކޮށް އަށުގެ އިޖްތިމާއީ ރޫހު އާލާކޮށް ދިރުވުމަށްކަމަށް ސިޓީ ކައުންސިލުން މައުލޫމާތު ދެ އެވެ،
މިމުބާރާތް ކުރިއަށްދާނީ ކުޅުދުއްފުށީ ސިޓީ ސްްޓޭޑިއަމްގެ ފުޓްބޯޅަ ދަނޑުގަ އެވެ. (ޒޯން ސްޓޭޑިއަމް 1). މުބާރާތުގައި ބޭނުންކުރާނީ ބްރޭންޑެޑް 5 ނަންބަރު (ފީފާ މެޗް ސްްޓޭންޑަޑް)ގެ ފުޓްބޯޅަ އެވެ. މުބާރާތް ފެށޭނީ ޑިސެމްބަރުމަހު ދެވަނަ ދުވަހު އެވެ.
އެމްޓީސީސީ ކުޅުދުއްފުށި ޗެމްޕިއަންޝިޕް 2022 ގައި ބައިވެރިވެވޭނީ ސިޓީ ކައުންސިލުން ތައްޔާރުކޮށްފައިވާ ފޯމު ފުރުމަށް ފަހުގަ އެވެ. އަދި ބައިވެރިވުމުގެ ސުންގަޑިއަކީ 14 ނޮވެމްބަރު ވާ ހޯމަދުވަހުގެ މެންދުރު 12 ގެ ކުރިންނެވެ.
މުބާރާތަށް ހޮވޭނީ އެންމެ ފުރަތަމަ ފޯމު ހުށައަޅާ 8 ޓީމަށެވެ. މުބާރާތުގައި ބައިވެރިވުމަށް އެއްވެސް ފީއެއް ދައްކަން ނުޖެހޭއިރު މުބާރާތުގައި ބައިވެރިވެވޭނީ ރަސްމީކޮށް (މިނިސްޓްރީ އޮފް ހޯމްއެފެއާޒް ނުވަތަ ޔޫތް މިނިސްޓްރީގެ ސްޕޯޓްސް ކޮމިޝަންގައި) ރަޖިސްޓްރީކޮށްފައިވާ ކުޅުދުއްފުށީގެ ކުލަބް ޖަމިއްޔާތަކަށެވެ. އަދި ކޮންމެ ކުލަބަކަށްވެސް ބައިވެރިކުރެވޭނީ އެންމެ ޓީމެކެވެ.
މުބާރާތުގައި ވާދަކުރާ ޓީމުތަކުން ޓީމް ލިސްޓް ހުށައެޅުމުގެ ސުންގަޑިއަކީ 21 ނޮވެމްބަރު ވާ ހޯމަދުވަހުގެ މެންދުރު 12 ގެ ކުރިންނެވެ.
ކޮންމެ ޓީމެއްގައިވެސް ހިމެނޭނީ 22 ކުޅުންތެރިންނާއި 5 އޮފިޝަލުންނެވެ. ޓީމުގައި ގިނަ ވެގެން ހިމެނޭނީ ރަށުން ބޭރުގެ 3 ކުޅުންތެރިންނެވެ. އޭގެތެރޭގައި ރާއްޖެއިން ބޭރުގެ ކުޅުންތެރިން ވެސް ހިމެނޭނެ އެވެ.
މުބާރާތް ކުޅެވޭނީ ކަޕް ފޯމެޓަށެވެ. އަދި ބައިވެރިވާ ޓީމުތަކުގެ އަދަދަށް ބަލާފައި 5 ޓީމަށް ވުރެ ގިނަވެއްޖެނަމަ މުބާރާތް ކުޅޭނީ 2 ގްރޫޕަކަށް ބަހާލައިގެންނެވެ. ކޮންމެ މެޗަކުންވެސް މޮޅުވާ ޓީމަކަށް ތިން ޕޮއިންޓް ލިބޭއިރު އެއްވަރުވެއްޖެނަމަ ދެޓީމަށް ވެސް 1 ޕޮއިންޓް ލިބޭނެ އެވެ. އަދި ބަލިވެއްޖަނަމަ އެއްވެސް ޕޮއިންޓެއް ނުލިބޭނެ އެވެ.
ގްރޫޕުގެ ވަނަތައް ކަނޑައަޅާއިރު ބަލާ އުސޫލުތަކުގެ ތަރުތީބު:
ޖުމްލަ ޕޮއިންޓް
ޖުމްލަ ފައިދާ ގޯލު
ޖުމްލަ ޖެހި ގޯލު
ޖުމްލަ ބައިކޮޅަށް ވަން ގޯލު
2 ޓީމުގެ ހެޑް ޓު ހެޑް
ހުރިހާ ގޮތަކުންވެސް އެއްވަރުވެއްޖެނަމަ އިތުރު މެޗެއް ކުޅެވޭނެ އެވެ.
މުބާރާތުގެ ގަވައިދަކީ ފީފާގެ "ލޯސް އޮފް ދަ ގޭމް" އެވެ. މެޗެއްގައި 5 ބަދަލުކުރުމުގެ ފުރުސަތު ކޮންމެ ޓީމަކަށް ވެސް އޮންނާނެ އެވެ.
މުބާރާތުގައި ހޮވޭ ވަނަތައް:
ޗެމްޕިއަން ޓީމު (ޓްރޮފީ) 50000 ރުފިޔާ: މިއީ މިހާތަނަށް ކުޅުދުއްފުށީގައި ބޭއްވޭ އެންމެ އަގުބޮޑު މުބާރާތެވެ.
ރަނަރއަޕް ޓީމު (ޓްރޮފީ) 10000 ރުފިޔާ
ބެސްޓް ޕްލޭޔަރ (ޓްރޮފީ) 2500 ރުފިޔާ
ބެސްޓް ސްޓަރައިކަރު، މިޑްފީލްޑަރު އަދި ޑިފެންޑަރާއި ގޯލްކީޕަރު (ޓްރޮފީ) 1500 ރުފިޔާ
ޓޮޕް ސްކޯރާ (ޓްރޮފީ)
ކޮންމެ މެޗެއްގެ މޭން އޮފް ދަ މެޗް (ޓްރޮފީ)
ބެސްޓް ކޯޗު (ޓްރޮފީ)
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
