ވެލިގާ ރޯޑް ޝޯ މިއަދު ކުޅުދުއްފުށީގައި ފަށައިފި

ބޮޑެތި އިނާމުތަކާއެކު ވެލިގާ ރޯޑް ޝޯ މިއަދު ކުޅުދުއްފުށި ސިޓީގައި ފަށައިފި އެވެ. ރޯޑް ޝޯގެ ކުރިއަށްދަނީ ހޮނިހިރު ބާޒާރު ސަރަހައްދުގައި އެވެ.

މިމަހު 3،4 އަދި 5 ވަނަ ދުވަހުގެ ނިޔަލަށް ކުރިއަށްދާ މި ރޯޑް ޝޯގައި ބޮޑެތި ޑިސްކައުންޓް އަދި ވޮރެންޓީއާއެކު ސާމާނު ގަތުމުގެ ފުރުސަތު ލިބޭނެ އެވެ. ހާޑްވެއަރ ސާމާނު އަމިއްލަ ތަޖުރިބާކުރުމުގެ ފުރުސަތުވެސް މި ރޯޑް ޝޯގައި ލިބޭނެ އެވެ.

މިއަދު ހަވީރު އާއި ރޭގަނޑު އަދި މާދަމާ ހެނދުނާއި ހަވީރު އަދި ރޭގަނޑު މި ރޯޑް ޝޯ ކުރިއަށްދާނެ އެވެ. ފަސްވަނަ ދުވަހު ކުރިއަށްދާނީ ކްރާފްޓްސްމަނުންނާއި ވިޔަފާރިތަކާ ބައްދަލުކުރުމެވެ.

މި ރޯޑް ޝޯގައި ކަސްޓަމަރުންނަށް މުދާތައް ތަޖުރިބާކޮށްލާ އެމުދާތަކާ ބެހޭގޮތުން އެކަމުގެ ތަޖުރިބާކާރުންގެ ފަރާތުން ގިނަ ކަންތައްތަކެއް ދަސްކޮށްލުމުގެ ފުރުސަތު ލިބޭއިރު ހަދިޔާތައް ހޯދުމުގެ ފުރުސަތާއި ތަކެތި އޯޑަރު ކުރުމުގެ ފުރުސަތު ވެސް ލިބިގެންދާނެ އެވެ.

މި ރޯޑް ޝޯގެ ތެރެއިން ކްރާފްޓްސްމަނުންނާއި ވިޔަފާރިތަކާއެކު ބައްދަލުވުން ބާއްވާ އެމީހުންނަށް ވެލިގާއިން ލިބެން ހުންނަ މުދާތަކުގެ ޕޯޓްފޯލިއޯތަކާމެދު ހޭލުންތެރިކަން އިތުރުކުރުމެވެ.