އުރީދޫ ސައިކަލު ޕްރޮމޯގެ އެންމެ އަގުހުރި އިނާމް، ހޮންޑާ ރެބެލްގެ ނަސީބުވެރިއަކީ އަފްރާހް

އުރީދޫ މޯލްޑިވްސް އިން ކުރިއަށް ގެންދިޔަ ކޮންމެ ތިން ދުވަހަކުން ސައިކަލެއް ލިބޭ ހާއްސަ ޕްރޮމޯޝަންގެ އެންމެ އަގުހުރި އިނާމް ކަމުގައިވާ ހޮންޑާ ރެބެލްގެ ނަސީބުވެރިއަކަށް ސ. މީދޫ، އިބްރާހިމް އަފްރާހް ހޮވިއްޖެއެވެ.

މިދިޔަ އަހަރުގެ ޑިސެމްބަރު 31 ވަނަ ދުވަހުގެ ނިޔަލަށް ކުރިއަށް ގެންދިޔަ މި ޕްރޮމޯޝަންގެ ދަށުން ޖުމްލަ 30 ސައިކަލު ވަނީ ނަސީބުވެރި ފަރާތްތަކާ ހަވާލުކޮށްފައެވެ. މި ޕްރޮމޯޝަންގެ އެންމެ އަގުހުރި އިނާމް ހޮންޑާ ރެބެލް ލިބުން އަފްރާހުއަށް ވެސް މިހާރު ވަނީ ސައިކަލު ހަވާލުކޮށްފައެވެ.

އަފްރާހު އަށް ސައިކަލު ހަވާލުކޮށްފައިވަނީ މި ސައިކަލު ހަވާލުކުރުމަށް ބޭއްވި ހާއްސަ އިވެންޓުގައެވެ. މި އިވެންޓުގައި ސިމްބޮލިކް ރިކޯޑްސްގެ ހާއްސަ ޝޯއެއް ކުރިއަށް ގެންގޮސްފައިވާއިރު، ހަބޭސް ބޮޑުބެރު ޓީމުގެ ހާއްސަ އިވެންޓުތަކެއްވެސް ވަނީ ކުރިއަށް ގެންގޮސްފައެވެ. މި އިވެންޓަށް ބޮޑު ތަރުހީބެއް ލިބިފައިވާކަން ފާހަގަކޮށް އުރީދޫ އިން ވަނީ ޝުކުރު އަދާކޮށްފައެވެ.

މި ޕްރޮމޯޝަންގައި 26 އެއާ ބްލޭޑާއި 3 ޕީސީ އެކްސް ވަނީ ދީފައެވެ. މި ޕްރޮމޯޝަނަކީ އުރީދޫގެ 5ޖީ ލިބޭ ކެމްޕެއިންގެ ދަށުން ރާއްޖޭގެ އެކި ކަންކޮޅުތަކުގައި ދިރިއުޅޭ މުޖުތަމައުތަކަށް ހަލުވި ސްޕީޑާއި ލެޓެންސީ ދަށްކޮށް، ކަނެކްޓިވިޓީ އިތުރުކޮށްދޭ އުރީދޫގެ ޒަމާނީ 5ޖީ ޓެކްނޮލޮޖީ ފާހަގަކުރުމުގެ ގޮތުން އުރީދޫ އިން ކުރިއަށް ގެންދިޔަ ޕްރޮމޯޝަނެކެވެ.