އެސްޓީއޯއިން ހަގީސް ބްރޭންޑްގެ ނެޕީ ބާޒާރަށް ނެރެފި

ސްޓޭޓް ޓްރޭޑިން އޮގަނައިޒޭޝަން (އެސްޓީއޯ) އިން ހަގީސް ބްރޭންޑް ނެޕީ މިއަަދު ބާޒާރަށް ނެރެފި އެވެ.

އެސްޓީއޯ ސުޕަމާޓްގައި ބޭއްވި ރަސްމިއްޔާތެއްގައި ހަގީސް ބްރޭންޑް ލޯންޗް ކޮށްދެއްވީ އެކުންފުނީގެ މެނޭޖިން ޑައިރެކްޓަރު އަހުމަދު ޝަހީރު އެވެ.

އެސްޓީއޯ ބްރޭންޑް މެނޭޖަރު ރައްޝާމް މުހައްމަދު ވިދާޅުވީ ހަގީސް ވެގެންދާނީ ރާއްޖޭގައި ވިއްކާ ނެޕީ ތަކުގެ ތެރެއިން އެންމެ އަގުހެޔޮ އަދި ކޮލިޓީ ނެޕީ ކަމަށެވެ.

ހަގީސް ޑައިޕާސް އާއި ވޮންޑަ ޕޭންޓްސް މިއަދު ބާޒާރަށް ނެރުނުއިރު އެސްޓީއޯ ސްޕަމާޓްގައި ހުރި އަގަށް ރަށްރަށުގެ އައުޓްލެޓް ތަކުންނާއި ފާމަސީ ތަކުން ވެސް ލިބިގެންދާނެ ކަމަށްވެސް ރައްޝާމް ވަނީ ވިދާޅުވެފައި އެވެ.

އޭގެ އިތުރުން އެސްޓީއޯއިން ވަނީ ހުޅުމާލޭގައި ހުންނަ ފިޔަވަތި ހިޔާ އަށް ހަ މަސްދުވަހުގެ ނެޕީ ހަދިޔާ ކޮށްފަ އެވެ. ފިޔަވަތީގެ ފަރާތުން އެ ތަކެއްޗާ ހަވާލުވީ ފިޔަވަތީގެ ސީއީއޯ ފާތިމަތު ޝިޔާމާ އެވެ.